Nandraisana fepetra manokana indray ny fiambenana ireo toby miaramila sasany toy ny toby Ratsimandrava. Efa mahazatra ny fanehoan-kevitry ny tompon’andraikitra mikasika ny trangan-javatra tahaka izao. Tsy maintsy manalefaka ny toe-java-misy hatrany, saingy ny hitsikitsika tsy mandihy foana…

Efa dila marina ny fetin’ny Krismasy ny fiandrasana ny taom-baovao, izay hany fotoana toa mba mampahalefaka sy mampahamora fo ny ankamaroan’ny olona. Ny an’ny politika efa fantatra fa fiatoana   marina tokoa, tsy haharitra fa hiserana ihany no hisy. Injao sahady ary fa efa miverina indray ny feo amin’ny mety hisiana fakana toby miaramila. Tsy horonantsary vaovao intsony io fa asa na ireo tena  »matihanina » no hilalao ao anatiny amin’ity indray mitoraka ity na mbola mpilalao vao misondrotra indray…