Nisy dia nisy tokoa ireo nimenomenona ho tsy nahazo vola teny Ankorondrano Andrefana nandritra ilay hetsika famoriam-bahoaka ho fanoherana ny hevitry ny iraisam-pirenena ny amin’ny tokony hisintahana kandidà telo amin’ny fifidianana filoham-pirenena. Raha ny voalazan’izy ireo dia nisy olona nitaona azy ireo teny amin’ny fokontany hanao io hetsika io ary hisy vola ho tambin’izany. Ny

Miezaka miaro mafy ny firotsahan’i Lalao Ravalomanana Rakotonirainy ireo mpomba azy ankehitriny. Naneho hevitra ny mpikambana ao amin’ny Filankevitra ambony tetezamita (Cst) avy amin’ity firehana ity, Ranaivoson Henri Roger, omaly teny Anosikely fa «samy hafa tanteraka ny Filoha teo aloha Ravalomanana Marc sy ny vadiny». «Olon-tsotra i Lalao Ravalomanana. Tsy manana fanamelohana any amin’ny fitsarana

Raha zohina dia tsy hametra-pialana eo amin’ny toerany ny Filohan’ny tetezamita, Andry Rajoelina raha tsy efa milamina  sy mazava tanteraka ny fitsipi-dalao sy ny fepetra rehetra ahafahana miroso amin’ny fifidianana filoham-pirenena izay tokony hotanterahana ny 24 jolay izao. Nahariharin’ny Filoha mpanorina ny antoko Tanora malaGasy Vonona rahateo ny «fanahiany ny mety tsy hahatanterahan’io fifidianana io ».

Trondro nahandro tahitianina Tsy dia natao homasahana hatrany ny fomba fihinanana ireny trondro ireny, fa azo atao tsara ihany koa ny mihinana azy manta, toy ny fomba fahandroan-tsakafo any Tahïti, araka izao fomba fikarakarana manaraka izao. Zavatra ilaina:  Nofon-trondro araka ny habetsahany itiavana azy, sira, voasary makirana, karaoty vitsivitsy, korzety, voatabia, sakay fanendy, voasarihangibe (pamplemousse), dipoavatra Fomba fikarakarana ny sakafo: Sasana madio tsara ny nofon-trondro. Esorina ny taolany, raha misy. Tetehina madinika ho efamira, tokony ho antsasaka santimetatra, atao faran’izay manify. Asiana sira vaingana, androtsahana rano kely tokony ho iray vera. Avela hilona kely mandritra ny antsasak’adiny eo ho eo. Esorina ary tatavanina. Tondrahana rano mangatsiaka indray. Esorina ny rano. Atao anaty lovia lehibe iray lalin’aty, asiana ranom-boasary makirana. Avela hilona mandritra ny antsasak’adiny indray. Kikisana amin’ilay faritra lehibebe amin’ny fikikisana iny ny karaoty sy ny korzety, mandra-piandry izany. Tetehina efamira ihany koa ny voatabia rehefa avy nosasàna. Tetehina manify kely ny sakay. Voasana ny voasarihangibe, esorina ny nofony ary afangaro ao amin’ireo legioma. Asiana sira kely sy dipoavatra rehefa avy eo. Afangaro amin’ny trondro ny legioma rehetra. Manatsara ny tsirony kokoa raha androtsahana ranom-boanio kely ny sakafo. Azo aroso amin’izay. Mazotoa homana tompoko ! 

Ireo soa entin’ny fihinanana voankazo amin’ireo karazana taova Efa manomboka mameno ny tsena ireo voankazo isan-karazany amin’izao fotoana izao. Tsara ho fantatra fa toy ny legioma dia maro ny asa sy soa entin’izy ireny amin’ny fahasalaman’ny vatana. Raha tiana ho salama sy hahavita ny asany araka ny tokony ho izy ny tatavia sy ny voa dia tsara raha mihinana voanketsihetsy na «pastèque», voantango, mirtila. Mahasalama ny vavony ny mananasy, papay, paoma, zavoka, amponga bendanitra. Mahatsara ny fo kosa ny fihinanana akondro, voaloboka, paiso, «corossol». Miasa tsara ihany koa ny rafikozatatitra raha toa ka mihinana zavokà, paiso, amanda. Paoma, papay,paiso…  Mahasalama ny taovam-pananahana indray ny fihinanana voankazo nohamaini­na. Mahasalama ny taovam-pandevonan-kanina kosa ny papay, paoma, voasary mankirana, oliva, «kiwi». Ny paoma, akondro, voasary indray no tena voankazo tena mahasalama ny taovam-pisefoana. Tsara ihany koa anefa raha mihinana ampongambendanitra, paoma, paiso, «kaki», «carambole» raha tiana ho salama tsara ny tsinay. Mahasalama ny aty ihany koa anefa ny voamadilo, paoma, paiso, voaloboka, serizy. Ankoatra ny paiso sy ny voasary indray dia afaka mihinana manga raha tiana ho salama ny maso. Raha tiana hahatohitra ny aretina azo avy amin’ny otrik’ aretina indray ny vatana dia tsara raha mihinana voasary, letisia, «kiwi», voasary mandarina. Afaka enti-misoroka ny homamiadana ihany koa ny fihinanana paiso, «corossol», paoma, manga, frezy, «kiwi». Tsara araka izany, raha ny toro-hevitr’ireo mpitsabo, raha marisika ny rehetra mihinana voankazo rehefa fotoana fahavokaran’izany. Hanitry Ny Aina

Ny fahitan’ireo mpahay hary ny toekarena amin’ity taona 2013 ity Araka ny vinavinan’ireo mpahay hary mivondrona ao anatin’ny Crem (Centre de réflexion des économistes  à Madagascar)  dia ny fampihenana ny fandanian’ ny governemanta no antoky ny ho fahasalaman’ny toekarena eto Madagasikara amin’ity taona 2013 ity. Raha tsy izany dia hihena 10% indray ny vola hiditra amin’ny fanjakana amin’ity taona ity. Araka ny fahitan’ireo mpahay hary ireo ihany, manoloana ny toe-draharaha misy dia hiakatra 84% ny tahan’ny fahantrana eto Madagasikara, raha efa 81% tamin’ny taona 2012 . Hiakatra 3% fahantran’ny vola ka hanasarotra ny fihazomana ny sandan’ny Ariary. “Hihena hatrany amin’ny 16% ny sandan’ny volantsika. Araka izany dia mety hihoatra ny Ar 3 000 ny Euro, ary hihoatra ny Ar 2 500 ny dôlara. Hihemotra 25% ny fahefa-mividy. Hitombo ny tsy an’asa. Hiakatra 18% hatramin’ny vidin-tsolika. Hiakatra 13% ihany koa ny vidim-piainana”, raha ny fahitan’ireo mpahay hary eo anivon’ny Crem ihany. Omeo lanja ny fahasalamam-bahoaka Mahita ireo mpahay hary ireo fa tokony homena lanja ny fahasalamam-bahoaka amin’ity taona ity. “Tokony hampiakarina ny tetibola atokana ho an’ny fahasalamam-bahoaka hihoarana ny fahantrana. Tokony hisy fanampiana ara-bola manoloana ny zava-misy ho an’ny fitaterana an-tanety hihazomana ny saran-dalana, ho an’ny fitaterana an’habakabaka indray mba hampihenana ny saran’ny tapakila mankaty Madagasikara ka hampiakatra ny isan’ireo mpizaha tany hatrany amin’ny 50% amin’ity taona ity. Raha tontosa izany dia hiforona manaraka izany ny asa ao anatin’ny tontolon’ny fizahantany sy ny asa tanana. Tokony harahin’ny fampidinana ny fandanian’ny Fanjakana sasan­tsasany anefa ny fanomezana io fanampiana io. Toy ny fampihenana ny tombontsoa omena ireo olom-boafidy sy ireo mpiasam-panjakana ambony sasany…”, hoy izy ireo. Hamorao ny fampiasam-bola Eo amin’ny tontolon’ny fampiasam-bola indray dia manoso-kevitra ny amin’ny tokony hahazoan’ireo mpampiasa vola eto an-toerana tombontsoa manokana ahafahan’izy ireo mamorona asa ny Crem. “Tokony hidina 3% hatramin’ ny 5%, ohatra, ny zana-bola alaina amin’izy ireny. Tokony hisy ezaka manokana atao hamerenana ny fahatokisan’ny banky manoloana ireo fifanakalozam-bola atao. Tokony hamoraina ihany koa ireo fombafomba tokony arahina rehetra ahafahana misintona ireo mpampiasa vola vahiny. Tokony homena ny hoenti-manana ihany koa ny eo anivon’ny sampana misahana ny antontan’isa ahafahany manaparitaka ireo vaovao rehetra ilain’ireo mpandray anjara ao anatin’ny toekarena”. Hanitry Ny Aina

Mpanakanto roa samy ho avin’ny mozika mafana. Taorian’ireo seho takariva samihafa, hamaky sehatra eto Antananarivo i Barinjaka sy Nina’s, ao anatin’ilay fampisehoana «Fetin’ny reny goavam-be», izay hotanterahina ny alahady tolakandro izao, etsy amin’ ny kianjan’ny Complexe scolaire Ampefiloha. Sambany izy mianadahy ireto, araka izany, no hiatrika seho an-kalamanjana. Hibahan-toerana ao anatin’ity seho ity, araka izany, ny gadona avy any amin’ny faritra atsimon’ ny Nosy satria raha nahafantarana

Mpanakanto fantatra eo amin’ ny tontolon’ny vazo miteny. Miainga any indray ny rakikira fahavalo novokarin’i Samoëla ary hatolony maimaim-poana ireo mpankafy ny «Maha- domelina». Mandritra ny seho izay hotanterahina, amin’ny sabotsy izao, etsy amin’ny kianja malalaky ny Esca Antanimena no hitondrany an-tsehatra ireo hira 10 voarakitra ao anatiny. «Lohahevitra no entinay ao anatin’ny rakikira vaovao

Tafiditra ao anatin’ny fitetezana firenena maro. Hanolotra seho tokana eto amintsika i Elmotho, mpanakanto avy any Namibie, izay nandrombaka ny loka tamin’ny fifaninanana «Découvertes Rfi-France 24», tamin’ny 2012. Efa hatramin’ny ela no nitondra ny zava-kantony ivelan’ny firenena niaviany i Elmotho ary ny nahazoany io loka io dia efa sehatra iray hitondrany ny zavakanto ho an’i Afrika, izay voaresany matetika ao anatin’ny

Zazalahy iray 14 taona no maty nipoahan’ny bala, voalaza fa hitany teny an-tokotaniny, tetsy Ambodirano, ao amin’ny kaominina Ivato Firaisana,

Didim-pitsarana.  20 taona an-tranomaizina no sazin’ilay lehilahy teratany Malagasy voampanga ho nangalatra sady nanolana tany Belzika, teo anelanelan’ny volana marsa

Fiara iray sy tokantrano roa indray no niharan’ny fanafihan-dahalo tany Ambovombe Androy, ny 20 mey lasa teo, tokony ho tamin’ny

5 000 TAONA ATY AORIAN’NY NIANDOHAN’NY ACUPUNCTURE NA NY FOMBA FITSABOANA SINOA AMIN’NY ALALAN’NY FANJAITRA: MANOMBOKA MAHAZO VAHANA ETO AMINTSIKA

SAMY MANANA NY FOMBA FILAZANY AMIN’NY FIAVIAN’NY RAZAM-BEN’NY MALAGASY NY REHETRA. HEVITRA NALAZA SY NOVOIZINA TATO HO ATO NY FILAZANA

MPONINA ENY AMIN’NY FOKONTANY AMBOHIDAHY-ANKADINDRAMAMY RANDRIAMANANJARA HERITSOA ANTSOINA HOE TSOA, RAIM-PIANAKAVIANA 44 TAONA, HITA FATY TAO ANATY HONAHONA, TENY ANKORONDRANO