Fanadihadina manokana

CCESCA ANTANIMENA

«Zana-bahoaka» ho tohin’ny faha-15 taona nihiran’i Samoëla

Taorian’ny seho an-kalamanjana, dia hitohy anaty efitrano indray ny fankalazan’i Samoëla ny faha-15 taona nidirany teo amin’ny sehatry ny mozika. Etsy amin’ny CCEsca Antanimena indray no ifamotoanany amin’ireo mpankafy ny vazo miteny anio alina manomboka 7 ora. «Zana-bahaoka», lohatenin’ny rakikira farany navoakan’i Samoëla no lohatenin’ny fampisehoana. Hotetezina mandritra ny fampisehoana ireo rakikira efa navoaka niainga tamin’ny «Mampirevy» ka hatramin’ny «Zana-bahoaka» mandalo ny «Efa sy dimy» sy ny «Manatosaka».

ANTSAHAMANITRA

Hanolotra fampisehoana feno fanomezana ny tarika Tselatra

Tamin’ny 2010 taorian’ny bakalorea ny fampisehoana farany. Hiaka-tsehatra eto an-drenivohitra indray ny tarika Tselatra, amin’ny alahady 05 aogositra izao, etsy Antsahamanitra. Fampisehoana ho rakotra fanomezana no hatolotry ry Eric sy ny namany amin’izany. Mandritra ny fampisehoana ihany koa no hahitana indray ny fampiaraham-peon’i Eric sy Lija, izay voalaza fa nisaraka. Hifantoka amin’ny hira milamindamina hiarahan’izy mirahalahy ny fizarana voalohany amin’io fampisehoana io.
Hirona kokoa any amin’ny rock mavesatra sy ny vakorock kosa ny fizarana faharoa ary handrenesana indray ny feo kasokan’i Eric amin’ny «Niova ianao», «Testamenta», «Bandy kely»… Anisan’ny fanomezana hatolotr’i Eric ihany koa ny fampiaraham-peo amin’ny zanany, izay ho solofo dimbin’ny rock.

JAO’S PUB AMBOHIPO

Tsapiky sy mozika mafana hiarahana amin’ny tarika Manaly

Mandalo eto an-drenivohitra ka manararaotra manolotra seho ho an’ny mpankafy. Tsapiky sy mozika mafana no hiarahana amin’ny tarika Manaly anio alina, etsy amin’ny Jao’s Pub Ambohipo. Hoporofoin-dry Manalison Kenneth Robert na i Manaly, ny fifehezany karazana gadona maro afaka hanafanana seho takariva toy izao.
Hanohy ny fampisehoana sy ny hetsika ara-kolontsaina ao amin’ny Jao’s Pub Ambohipo kosa ny sabotsy tolakandro ny seho hiarahana amin’ny «Gast’Ploit», ireo tarika mpiangaly rap miaraka aminy ahitana an-dry Agrad&Skaiz, Don Smokilla, Dj Damn… i Teta kosa no hamarana ny seho io andro io manomboka amin’ny 8 ora alina.

ESPACE LION D’OR ANOSIAVARATRA

Manolotra ny karaoke ara-pilazantsara ny fiangonana Ambatomaro

Hetsika hafa kely indray no hokarakarain’ny Fjkm Ambatomaro Fehizoro rahampitso sabotsy 04 aogositra. Ankohonana maro no asain’ny fiangonana mba hifarimbona amin’ny fanatrehana ny fiarahana misakafo arahina karaoke ara-pilazantsara. Hisongadina amin’izany ny fandraisana hafatra an-tsary mikasika ny ankohonana. »Ny ankohonako no edenako », no lohahevitra lehibe amin’izany.

CEMES ANTANIMORA

Dat’kotry sy Pierrot Matatana atolotry ny Amory sy Fizanakara

Hetsika ho an’ny Vatomasina Vohipeno. Manolotra alim-pandihizana miaraka amin’i Dat’Kotry sy Pierrot Matatana ny fikambanana Amozy sy Fizanakara, etsy amin’ny Cercle Mess Antanimora, anio alina manomboka amin’ny 9 ora. Mpanakanto roa izay samy mivoy ny fitrandrahana ny gadona nentin-drazana avy any amin’ny faritra atsimo atsinanan’ny Nosy iny.
Ny Fizanakara dia fikambanan’ny Zanak’Anakara eto Antananarivo. Ny Anakara, dia anisan’ny foko iray mandrafitra ny foko Antemoro. Ny Amory kosa dia fikambanan’ireo tanora maromaro vonona ny hanao asa fampandrosoana ny faritr’i Fitovinany.

PIMENT CAFÉ – BEHORIRIKA

Hiverina amin’ny seho takariva indray i Tovo J’hay

Efa ela no tsy tazana teo amin’ny sehatry ny fampisehoana. Hiverina amin’ny seho takariva indray i Tovo J’hay, ka etsy amin’ny Piment Café Behoririka no fotoana hiarahana aminy anio alina manomboka amin’ny 9 ora.
Fotoana izay hitondran’ity mpanakanto ity ireo hira rehetra nahafantarana azy ka voarakitra tao anatin’ireo rakikira efatra efa navoakany niainga tamin’ny «Satry foana» ka hatramin’ny «Teny mamy»… Miara-dia hatrany amin’ny seho takariva toy izao ny fanolorana ny talentan’ny mpanakanto ankoatra ny efa ahafantarana azy.

ESPACE DERA

«After work night», karazana fialam-boly maro mandra-maraina

Endrika vaovao hamaranana ny herinandro. Hotanterahina anio alina, etsy amin’ny Espace Dera Tsiadana, ny andiany voalohany amin’ny «After work night». Hetsika manomboka amin’ny 7 ora hariva ary tsy hifarana raha tsy ny maraina. Ho hita ao ny dihy, toy ny valse, tango, tchatchatcha, rock… Hahazo ny anjarany ihany koa anefa ireo mankafy miala voly miaraka amin’ny orkesitra, ary indrindra ireo liana amin’ny fihirana miaraka amin’ny Karaoke. Amin’ny alalan’ny alim-pandihizana kosa no hanohizana sy hamaranana ity «After work night» ity.

CAFÉ DE LA GARE

«Fusion session» hiarahan’ny Gasy Groove sy Maia Von Lekow

Metisy Alemana sy Keniana. Mandalo eto Madagasikara ilay mpanakanto Maiai Von Lekow. Andriambavilanitra mpihira nefa havanana amin’ny fitendrena gitara, izay handray anjara amin’ilay hetsika «Fusion session» hotanterahina etsy amin’ny Café de la Gare Soarano, anio alina manomboka amin’ny 8 ora. Hiara-dia aminy amin’izany ny tarika gasy Groove, izay hampahafantatra sy hitondra an-tsehatra indray ilay rakikira «Fototra». Handray anjara amin’ity seho takariva ity ihany koa ry Ranada, ahitana an-dRadanz, Nali ary Datita Rabeson.

AMBODITSIRY

Hira gasy makotrokotroka

Taorian’ny tetsy Analakely, dia hitohy any amin’ny trano fonenana Rainilaiarivony, etsy Amboditsiry ny «Hiragasy makotrokotroka», atolotry ny tanànan’Antananarivo sy ny Ofisim-paritry ny fizahantany eto Analamanga ary ny Hay Gasy. Mbola ao anatin’ny dinganin’ny fifanintsanana ity sehatra ho an’ny hira gasy ity, ka hifandona amin’io alahady io manomboka amin’ny 2 ora tolakandro ny tarika Razafimahandry avy eny Androndra sy Rakotoniaina Morarano gara.

0 Fanehoan-kevitra

Lahatsoratra hafaMiverena @ pejy fandraisana

	Fiainana mpanakanto – «Tsy nisakaiza velively tamin’i Jerry Marcoss aho», hoy i Farah John’s MPANDIHY SY MPIHIRA TAO ANATIN’NY TARIKA JERRY MARCOSS NO NAHAFANTARANA AN-DRASOLOFONJATOVO FARAH SAMÜELINE, NA FARAH JOHN’S, TALOHAN’NY NIKOPAHANY ELATRA IRERY TEO AMIN’NY SEHATRY NY MOZIKA. HEHY TSOTRA NO NAMALIANY NY FILAZANA FA NISAKAIZA TAMIN’I JERRY MARCOS IZY. NABORAK’I FARAH JOHN’S FA OLON-TIANY DIA TSY AO ANATIN’NY TONTOLON’NY MOZIKA MIHITSY. Toy ny ankamaroan’ireo mpanakanto, dia fitiavana mozika hatramin’ny fahakely no nitarika an’i Farah John’s hiditra amin’ny sehatry ny mozika. Efa tao anaty rany ka notohizany tamin’ny fidirana ho mpikambana tao amin’ny antoko mpihira tany Vohemar, nanomboka teo amin’ny faha-8 taonany. Rehefa feno 18 taona izy no niakatra teto an-drenivohitra. Tao anatin’ny faniriany ho mpihira, dia ny zaobaviny, vadin’ny zokiny lahy, no nifankahalala tamin’i Jerry Marcoss ka nampifanatona azy ireo. «Taorian’ny lozam-pifamoivoizana nitranga tamin’ ny tarika Jerry Marcoss, ny taona 2004 no tafiditra tao amin’ny tarika aho», araka ny fitadidian’i Farah John’s. Nialoha izay anefa, efa nanana ny lazany teo amin’ny sehatry ny dihy tany Vohemar ary nivoy karazan-dihy maro tao anatin’ny tarika «Hells Angel’s», izay efa nahafantaran’ny maro azy ihany koa, na tamin’ny andron’ny sekoly na tamin’ireo fety ho an’ny fialan-tsasatra izy. «Tsy maintsy nandihy foana izahay isan’andro tamin’izany fotoana izany», araka ny fitantarany. Izay rahateo no nahatonga azy ho sady mpihira no mpandihy tao amin’ny tarika Jerry Marcoss. Ity farany no nahatsapa ny talentany ka nampirisika an’i Farah John’s hiroso lalindalina amin’ny sehatry ny mozika. Nandeha ny resa-be Nanomboka teo ny resa-be momba ny fiarahan’izy roa ireo. Tsy nahatohina an’i Farah John’s, raha napetraka taminy ny fanontaniana momba io resaka io. Sady nihomehy izy no namaly am-pahatsorana fa “tsy nisy mihitsy ny fisakaizana teo aminy sy i Jerry Marcoss”. “Mpiara-miasa izahay tany am-boalohany. Noho izy nanoro lalana ahy dia mandray azy ho toy ny raiko aho amin’izao fotoana izao”, hoy ihany izy.

	Very saina hatramin’ izao ny renin’ilay zazalahy matin’ny taksibe tetsy Masay NILAOZAN’I ANDRY, ZAZALAHY 14 TAONA, NY FIANAKAVIANY VOKATRY NY LOZAM-PIFAMOIVOIZANA NAMONOAN’NY TAKSIBE AZY, TETSY AMIN’NY LALAN’NY FARIHY MASAY, NY SABOTSY TEO. VOA MAFY VOKATR’ITY FAHAFATESAN-JANANY ITY NY RENIN’I ANDRY. NAHAGAGA FA TSY FANAON’ITY ZAZALAHIKELY ITY NY MAKA TRONDRO ETSY MASAY, KANEFA DIA NOHO NY FIHAZAKAZAHANY HAKA ILAY TRONDRO MBA AZONY NO NAMOIZANY NY AINY.

	Faran’ny herinandro CLUB NAUTIQUE IVATO «Tafaray samikaka» hiarahan’i Wawa, Vaiavy Chila, Jarifa, Ramora Favori ary Tinah-Ti» Na teo aza ny fahavoazana nahazo azy, dia vonona hiatrika ny fampisehoana izay hiarahany amin’ny mpanakanto maro eny amin’ny Club Nautique Ivato, Ramora Favori. Hotanterahina ny alatsinain’ny Pantekôty izao ny «tafaray samikaka», izay hiarahana amin’i Wawa, Vaiavy Chila, Jarifa ary Tinah-Ti.

	Mananara Avaratra – Misy ambadika ny raharaha andramena Mampiahiahy ny zanak’i Mananara Avaratra ny fihetsiky ny manampahefana sasany, izay toa tsy taitra mahita ny fandripahana sy fanondranana ny andramena. Ny hafa aza dia manararaotra ny zava-misy hangoronan-karena. Ny mponina any an-toerana no mahita ifotony ka mitantara ny tena ao ambadiky ny raharaha andramena «Zaha-poagna sy atô tsy hita ny fandrobagna boaderôzy aty aminay.

	Fotodrafitrasa – Misedra lava ny tsy fahampiana kianja ireo mpanao fanatanjahantena Olana sedrain’ny ankamaroan’ny mpikarakara hetsika na fihaonana momba ny fanatanjahantena ankehitriny ny tsy fahampian’ny fotodrafitrasa azo ilalaovana, na an-tanàn-dehibe na eny ambanivohitra. Misy koa ny tsy fahampian’ny fikojakojana azy ireny ary ao koa ireo efa antitra ka tsy azo ilalaovana na tsy manara-penitra intsony. Ahiana tsy hahitam-bahaolana ity tsy fahampian’ny fotodrafitrasa ara-panatanjahantena ity. Matetika ny vola azo kely avy amin’ny fihaonana iraisam-pirenena no hararaotina hanatsarana ny kely ananana. Ekipa vitsy no tsy manofa kianja Azo isaina amin’ny ratsan- tanana ny ekipa tsy manofa kianja hilalaovana, amin’ny taranja rehetra, raha ny eto amintsika no resahina. Miankina amin’ny politika arahin’ny mpitantana ireny fotodrafitrasa ireny matetika ny fahatezan’izy ireny na tsia. Samy hafa koa matetika ny olana atrehan’ ny taranja lalaovin’ olon-tokana sy ny taranja itambaram-be. «Manofa 80 000 ariary isam-bolana ny toerana azonay ilalaovana rugby izahay. Efatra ora isan-kerinandro na adiny roa isaky ny milalao no azonay ampiasana azy ho an’ny kianja fotsiny. Tsy mbola manana toerana manokana na foibe azo ivoriana na azo ikolokoloana hozatra izahay, ankoatra ny olana ara-pitaovana na eo amin’ny rugby na ny kitra», hoy ny mpitantana ekipa iray efa am-polo taona maro nijoroana. «Manofa isam-bolana ny toerana fanaovanay fifanintsanana ara-panatanjahantena izahay, isaky ny sabotsy sy alahady. Olana koa anefa ny fiambenana ny manodidina ny kianja. Misy ireo misompatra, minia mametraka fiara eny an-tsisin’ny kianja, hanelingelenana ny fizotran’ny lalao. Misy mamaky ny baolina ilalaovana raha sendra lasa any amin’ny taniny. Nahita izany izahay na teny Ambohimangakely, na Ambohimanarina, na Fort Duchesne na Andoharanofotsy. Misy aza minia mamefy ny kianja fotsiny noho ny fialonana», hoy Randrianindrina John, mpandrindra fihaonana ara-panatanjahantena eto Antananarivo. Sasatra ny manarina kianja Ho an’ny Fimita, mpikarakara fihaonana eo amin’ny kitra lalaovin’ olona fito eny amin’ny Boulevard de l’Europe dia asa goavana no miandry azy isan-kerinandro vokatry ny fampiasan’ny fiarakodia vaventy ny toerana ilalaovana. «Voatery mitaona tany izahay hanotofana ny lavadavaka avelan’ireo kamiao lehibe mivezivezy eo amin’ny kianja, mialohan’ny hilalaovana isan-kerinandro», hoy Gilbert Fanahisoa, ao amin’ny Fimita. Voatery nampiato ny lalao nokarakarainy koa i Tanteliharimalala Annie, hany vehivavy mpandrindra lalao ara-panatanjahantena ho an’ny kitra lalaovin’ olona 11, eny Mahazoarivo atsinanana noho ilay kianja dibo-drano sy feno lavadavaka tamin’ny nandalovan’ny orambe farany teo. Namoaka vola mihitsy izy nanamboarana ilay toerana ka tamin’ny Paska teo vao mba azo nilalaovana sy nanohizana ny fihaonana efa nomanina. Dobo filomanosana sivy Dobo filomanosana sivy ihany no hany azon’ny mpitia fifaninanana lomano 1 000, hanazaran-tena manerana ny Nosy. «Fotodrafitrasa efa niorina tany amin’ny taona 1960 sy 1980 ny ankamaroan’ny dobo filomanosana eto amintsika ka efa tsy manara-penitra ny ankamaroany. Toy ny lalana eto amintsika ihany, atahorana tsy ho azo ampiasaina intsony ny ankamaroany noho ny tsy fahampian’ny fikojakojana, vokatry ny tsy fahampiana ara-bola eo amin’izay mitantana azy», hoy Razafimahatratra Dina, tale teknika nasionaly eo amin’ny taranja ny tenisy. Ilaharana na efa andoavam-bola aza Ny toerana azo ilalaovana tennis, ohatra dia marobe izy ireny no eo am-pelatanan’olon-tsotra. «Saika natao fitadiavam-bola ireny kianja filalaovana tennis ireny. Misy andoavana saram-pampiasana 700 000 Ariary isan-taona na latsakemboka 100 000 ariary vao azo ampiasaina. Misy klioba mampandefitra ny fanomanana ireo solofo dimbin’ny ala, ka izay manam-bola ihany no mibahan-toerana. Na mandoa volabe aza ny olona, mbola milahatra ela vao mahazo kianja. Izay no mampalaina ny olona amin’ny fanatanjahantena. Ny kianja ao Ankatso, ohatra, noho ny politika narahin’ny mpitantana azy dia saika ny 90% ny sangany eo sasany amin’ny mpitia lalao tennis no novolavolaina tao», hoy Razafimahatratra Dina. Isaky ny alarobia sy sabotsy amin’ny 12 hatramin’ ny 4 ora, atokan’ny mpitantana ho an’ireo solofo dimbin’ny ala amin’ity taranja ity ny kianja eny amin’ny oniversite Ankatso. Toeram-pianarana lehibe vitsivitsy ihany noho izany no afaka mametraka politikam-pampianarana momba ny fanatanjahantena ao anatin’ny sekoly misy azy, noho io tsy fahampian’ny fotodrafitrasa io. Taranja roa na telo ihany Any amin’ny firenena sasany dia nisy nifidy nanangana foibe fanazarantena ho an’ny taranja vitsivitsy, izay heveriny fa tokony hatosika toy ny kitra, baskety, rugby, ohatra na kitra, lomano, atletisma. Raha momba ny lomano, ohatra dia tokony hisy dobo filomanosana, efitra fisoloana akanjo, efitra fatorian’ny atleta, toeram-pisakafoanana ho an’izay voafantina hanaraka fiofanana na fanazarantena ny foibe atsangana. «Latsa-danja hatrany ny fikarakarana ny fotodrafitraasa ho an’ny taranja iombonambe raha mitaha amin’ny taranja lalaovin’ olona vitsy , izay mora kokoa ny sara fanorenana na fikarakarana azy. Natsangana, ohatra ny Lapan’ny Fanatanjahantena sy ny Kolontsaina ary mba mahazo ny vola hihodinana. Mahazo vahana kokoa anefa ny kolontsaina noho ny fanatanjahantena amin’izany», hoy Razafimahatratra Dina. Mampihemotra ny fitiavana fanatanjahantena izay fahasarotan’ny fampiasana fotodrafitrasa izay. Refin’ny kianjana kitra manara-penitra : Kitra lalaovin’olona 11 : 110 x 68 m Kitra lalaovin’olona 9 : 90 x 70 m Kitra lalaovin’olona 7 : 70 x 60 na 50 m Kitra lalaovin’olona 5 na 4 : 35 x 15 m na 45 x 30 m raha misy mpiandry tsatokazo. Refin’ny kianjana baskety : 28 x 15 m amin’ny ankapobeny. Nampitomboin’ny FIBA kely anefa ny habeny tamin’ny 2010. Refin’ny kianjana volley : 18 x 9 m miampy sisiny 3 m. Refin’ny kianjana tennis : 23,77 x 8,23 m. Nangonin’i Barphil Andriantsiferanarivo

Hijery hafa