« Akom-pahatsiarovana » – Tsiahy ho an’i Jérôme Randria hiarahana amin’ ireo mpanakanto tanora

Mpanakanto nanana ny lazany fahizay i Jérôme Randria

Tsy mba maty ny mpanakanto satria ny vatan-tenany no mandao fa ny sanganasany mipetraka hatrany. Hotsaroana amin’ity taona ity ny faha-80 taonan’i Jérôme Randria, mpanakanto mpihira sy mpamorona anisan’ireo sangany sy nalaza tamin’ny taona 60. Ho fahatsiarovana izany, dia hotanterahina etsy amin’ny CC Esca Antanimena, ny alahady 26 aogositra izao amin’ny 3 ora tolakandro ny «Akom-pahatsiarovana», seho tsiahy an’i Jérôme Randria, ka hiarahana amin’ireo mpanakanto tanora sy efa fantatra amin’ny fiangaliana ireo kalon’ny fahiny. Ao anatin’izany ry Lily, Luk, Sitraka, Mahery ary Gothlieb. Hanatevin-daharana azy ireo koa anefa i Railôla, zanak’i Jérôme Randria.

Manodidina ny 40 ireo hiran’ity mpanakanto ity no hokaloina mandritra ny fampisehoana, ankoatra ireo hira nomeny noventesin’ireo tarika hafa toy ny «hirahiram-poko», «Ny foko tia», «Bao», «Veloma namako»… izay niangalin-dry Vola sy Noro, Railovy… Tsy ho latsa-danja koa anefa ireo hira nokaloiny toy ny «Rômy», «Alina Paris», «Vonoy ny anarako»…

«Tsy nisy ny fanovana teo amin’ny fandrindrana ny hira fa ezahina hotazonina araka ny nandrindran’i Jérôme Randria azy ihany», araka ny fanamarihana nentin’ny Pro Système, mpikarakara ny fampisehoana. Tafiditra ao anatin’ny «Akom-pahatsiarovana» ihany koa ny rakikira sy rakitsary ary boky mirakitra ny tantaran’i Jérôme Randria.

Faly Ran.

0 Fanehoan-kevitra

Lahatsoratra hafaMiverena @ pejy fandraisana

	Fetin’ny Reny – Hamaky sehatra eto Antananarivo i Barinjaka sy Nina’s(0) Mpanakanto roa samy ho avin’ny mozika mafana. Taorian’ireo seho takariva samihafa, hamaky sehatra eto Antananarivo i Barinjaka sy Nina’s, ao anatin’ilay fampisehoana «Fetin’ny reny goavam-be», izay hotanterahina ny alahady tolakandro izao, etsy amin’ ny kianjan’ny Complexe scolaire Ampefiloha. Sambany izy mianadahy ireto, araka izany, no hiatrika seho an-kalamanjana. Hibahan-toerana ao anatin’ity seho ity, araka izany, ny gadona avy any amin’ny faritra atsimon’ ny Nosy satria raha nahafantarana

	Rakikira fah-8 – Hanolotra maimaim-poana ny «Maha-domelina» i Samoëla(0) Mpanakanto fantatra eo amin’ ny tontolon’ny vazo miteny. Miainga any indray ny rakikira fahavalo novokarin’i Samoëla ary hatolony maimaim-poana ireo mpankafy ny «Maha- domelina». Mandritra ny seho izay hotanterahina, amin’ny sabotsy izao, etsy amin’ny kianja malalaky ny Esca Antanimena no hitondrany an-tsehatra ireo hira 10 voarakitra ao anatiny. «Lohahevitra no entinay ao anatin’ny rakikira vaovao

	« Découverte RFI 2012″ – Hanolotra seho tokana eto Madagasikara i Elmotho(0) Tafiditra ao anatin’ny fitetezana firenena maro. Hanolotra seho tokana eto amintsika i Elmotho, mpanakanto avy any Namibie, izay nandrombaka ny loka tamin’ny fifaninanana «Découvertes Rfi-France 24», tamin’ny 2012. Efa hatramin’ny ela no nitondra ny zava-kantony ivelan’ny firenena niaviany i Elmotho ary ny nahazoany io loka io dia efa sehatra iray hitondrany ny zavakanto ho an’i Afrika, izay voaresany matetika ao anatin’ny

	« Herinandron’ny kolontsaina » – Voaporofo ny fahasamihafana isam-paritra sy ny firenena(0) Tafiditra tao anatin’ ilay hetsika, «Herinandro ho an’ny kolontsaina». Nankalazaina omaly ny andro iraisam-pirenena ho an’ny kolontsaina maro lafy. Nankalazaina tamin’ny alalan’ny seho sy fampirantiana samihafa tetsy amin’ny La City, Ankorondrano io andro io, ka nanehoana ny fahasamihafana eo amin’ ireo kolontsain’ny faritra eto Madagasikara an-daniny ary ny fahasamihafana avy amin’ireo firenen-tsamihafa an-kilany. Nasehon’ireo tranoheva maromaro ny mampiavaka ny kolontsaina isam-paritra eto Madagasikara, ka nisongadina tamin’izany ireo fomba fitafy sy ny taovolo isaky ny faritra na isaky ny foko. Masoivoho vahiny maromaro ihany koa

	Tapatapany(0) FISARIHANA Finday avo lenta no ho azon’izay tsara vintana mandritra ny fisarihana hotanterahin’ny banky Bni, mandritra ny foara iraisam-pirenena tanterahina, etsy amin’ny Parc des expositions Forello Tanjombato, ny alakamisy 23 ka hatramin’ny alahady 26 mey ho avy izao. Ny alahady hariva amin’ny 4 ora sy sasany no hanaovana ny fisarihana ka ireo telo voalohany tsara vintana no hahazo amin’izany.