Fitrandrahana ao Didy – Teratany srilankey iray nentina aty Antananarivo niaraka tamin’ny vato

Voalaza fa efa voarara ny fitrandrahana safira ao Didy anefa mbola misy izao raharaha fanenjehana mpividy vato izao indray

Naharitra ora telo ny fisavana ny trano nisy ity teratany srilankey iray tao an-tampon-tanànan’Ambatondrazaka, ny faran’ny herinandro teo. Nentina niakatra aty Antananarivo izy taorian’izay hatao fanadihadiana.

Mifamahofaho be ihany ny antony nisam-borana azy io. Raha ny vaovao azo avy any an-toerana mantsy dia mpividy vato ao Didy izy.

Haka ny anjarany

« Misy ny mpanelanelana azy amin’ireo mpitrandraka vato.

Nahare io mpanelanelana io fa nahalafo safira mitentina Ar 30 000 tapitrisa izy. Haka ny anjarany tamin’ilay teratany srilankey izy raha ny fantatra, saingy nilaza ity farany fa tsy nahalafo vato Ar 30 000 tapitrisa izany. Nakan’io mpanelanelana io mpitandro ny filaminana ilay teratany srilankey ka tratran’ny fisavan-trano», raha ny fanazavana azo avy any an-toerana.

Nanamafy ny teo anivon’ny vondron-tobim-pileovan’ny Zandarimariam-pirenena ao Alaotra-Mangoro fa nisy tokoa ny fisavana ny trano nisy ity srilankey ity, ny sabotsy teo. « Kolonely avy eo anivon’ny minisiteran’ny Ala sy ny Tontolo iainana ary zandary hafa avy amin’ny borigadin’i Tanà-ville no nanao ny fisavana, araka ny taratasy avy amin’ny Fitsarana ao Antananarivo. Fanenjehana manoloana ny fanimbana ny ala arovana ao Ankeniheny Zahamena no fototr’io taratasy io. Nentin’izy ireo niakatra any Antananarivo ilay teratany srilankey avy eo », hoy ny manamboninahitra iray.

Nandà ny filazana fitakiam-bola amin’ilay teratany srilankey ny avy ao amin’ny minisiteran’ ny Tontolo iainana. « Hetsika ao anatin’ny fiarovana ny ala no nataon’ireo mpitandro ny filaminana ireo tany an-toerana. Vato sy fitaovana fandanjana vato no nogiazana tamin’io teratany srilankey io. Nentina aty Antananarivo hohadihadiana izy, saingy mbola naiditra hopitaly eny amin’ny Homi satria narary. Rehefa mivoaka eny izy no ho alaina am-bavany », hoy ny teo anivon’ity minisitera ity.

Hanitry Ny Aina

1 Fanehoan-kevitra

Lahatsoratra hafaMiverena @ pejy fandraisana

	Fiahiana sosialy – Mba hahazo fisotroan-dronono ihany koa ireo tantsaha(0) Ela ny ela ka ho isan’ireo hahazo tombontsoa amin’ny fiahiana sosialy omen’ny CnaPS na ny Tahirim-pirenena momba ny fiahiana sosialy ihany koa ny tantsaha. Nanao sonia fifanarahana ny CnaPS sy ny Tranoben’ny Tantsaha, tamin’ny faran’ny herinandro teo, fa manomboka izao, dia ho afaka mirotsaka ho mpikambana amin’ity rafitra ity koa ny Tantsaha (mpamboly, mpiompy sy

	Fambolena sy fiompiana – «Tokony ho sompitry ny Ranomasimbe Indianina isika», hoy ny Fivmpama Iankinan’ny ho avin’ny firenena. Notanterahina omaly ary hitohy anio, etsy amin’ ny tokotany malalaky ny Tour Zital, Ankorondrano ny «zaikabe ho an’ny fandraharahana eo amin’ ny sehatry ny fambolena sy fiompiana», karakarain’ ny Fivondronan’ny Mpan- draharaha Malagasy na ny Fivmpama. « Ny fahatsapana ny tsy fisian’ny firindrana sy ny fitrandrahana, araka ny tokony ho izy, ny harena avy amin’ny fambolena sy ny fiompiana misy eto amintsika

	Fikarohana – Nampahafantarina ny karazam-bary vaovao ho an’ny sakafo mahasalama Tontosa omaly, tetsy amin’ny Hotel Colbert Antani- narenina, ny atrikasa tao anatin’ilay tetikasa fitaratra «voly vary, ho an’ny sakafo ara-pahasalamana». Nisy ny andrana karazam-bary vaovao izay natao tany Anjepy – Manjakandriana, ny volana oktobra 2012, vokatry ny fiaraha-miasan’ ny orinasa Nestlé sy ny ivon-toeram-pikarohana ho an’ny fampandrosoana ny eny ambanivohitra, ny foibe fikarohana momba ny fambolena (FOFIFA), ny ivon-toeram-pikarohan’ ny Nestlé, any Abidjan (Côte d’Ivoire) ary ireo sekoly ambony samihafa.

	Antalaha – Efa fantapantatra ny tompon’ ireo andramena tratra Mihamazava ny lalana mizotra mankany amin’ny tompon’ireo andramena miisa 2 294, tratra tao Ranotsara, tany amin’ny moron-dranomasina, tao Antalaha, ny zoma lasa teo. Voalaza fa mpandraharaha ao an-toerana ihany izy io. “Isan’ireo mpandraharaha nanao fanambarana tamin’ireny fotoana nangatahana ny fanaovana fanambaràna ny tahirina andramena eo an-tanany ireny ireo mpandraharaha ireo. Herinandro vitsivitsy izay, raha ny vaovao azonay, no nanao fangatahana ny hamindrana toerana ireo hazo ireo izy ireo. Fangatahana izay nokasain’izy ireo halefa eny anivon’ ny fiadidiana ny Praiminisitra, eny

	Fanafihan-jiolahy tao Betroka – Fifampitifirana adiny telo nahafatesana dahalo dimy sy olon-tsotra telo Naharitra adiny telo ny fifampitifirana tamin’ny dahalo sy ny zandary tany Befotaka ny alarobia 8 mey teo. Nanomboka tamin’ny 2 ora tolakandro ka hatramin’ny 5 ora hariva dia tsy nahenoana afa-tsy feom-basy tao amin’ny tanàna iray antsoina hoe Ambiatoka. Dahalo dimy sy olona telo avy amin’ny fokonolona no maty tamin’izany. Raha ny fantatra dia dahalo avy nanafika tokantrano telo tao Betaingisy ao amin’ny fokontany Anakoty, kaominina ambanivohitr’i Beharena ireo dahalo ireo, ka omby an-jatony no lasan’ izy ireo tamin’izany. « Dahalo an-jatony nirongo basim-borona 60 mahery teo ho eo sy fitaovam-piadiana hafa no nanafika », hoy ny tatitra azo avy eo anivon’ ny zandary any an-toerana. « Raha vao nahazo fampandrenesana mikasika io fanafihana io ny zandary tao Befotaka dia nandefa zandary nanampy ny fokonolona hiambina ny kizo tao Ambiatoka, toerana nitrangan’ny fifampitifirana. Tokony ho tamin’ny 2 ora hariva ireo dahalo no nandalo teo amin’io kizo io, ka raha vao nahita ireo mpiambina izy ireo dia nanao tifitra variraraka. Tamin’izany no nahafaty ny telo tamin’ireo fokonolona. Namaly koa tetsy ankilan’izay ny zandary ka lavo ny dimy tamin’ireo dahalo », hoy ihany ny tatitra avy tany an-toerana.