Fiaraha-misintaka

Mbola misy ary miasa ve ny governemanta tarihin’ny Praiminisitry ny marimaritra iraisana, Jean Omer Beriziky? Mipetraka ny fanontaniana noho ny afitsoky ny mpikambana sasany, izay tsy manaiky intsony ny hamonjy Filakevitry ny governemanta na koa ny an’ny minisitra. Ny avy ao amin’ny ankolafy Ravalomanana moa dia mitaky hatrany ny fampodiana tsy misy fepetra ny Dadan-dry zareo ary manakiana mafy ny Filohan’ny Tetezamita, izay ampangainy ho fototry ny fikatsoana, satria, hono, tsy rototra amin’ilay fihaonana atao miaraka amin’ny Filoha teo aloha, Marc Ravalomanana.

Ny mpanelanelana avy ao amin’ny vondrona Sadc anefa no toa tsy mbola vonona amin’ny fikarakarana na dia nilaza aza teo am-boalohany fa maika ny fifanatrehana hamahana ny krizy politika izay mampitondra faisana ny vahoaka. Tsy vao izao akory ireto lazaina fa fototry ny olana no nifanatrika. Aoka tsy hohadinoina ny tetsy Antanimena sy ny teny Ambohimanambola raha vao nanomboka ny disadisa tany amin’ny faran’ny taona 2008. Ny iray nitady fotsiny handemy ny ankilany, kanjo nivadika ny rasa ny volana marsa 2009 ka nitsoa-pahana tany ivelany tsy fidiny ny Filoha amperinasa, tamin’izany fotoana.

Avy any izy no manao vava tsy ambina ka io no mahatonga fisalasalana momba ny fiverenany eto an-tanindrazana. Tsy dia nahay nipetraka, araka ny fomba fiteniny, ny lehilahy fa nanao ny fomba rehetra hiverenana eo amin’ny fitondrana, ka nampiasainy avokoa ny hetsika politika rehetra nampitsingilahila ny fitondrana tetezamita, miampy ny fanaratsiana tsy an-kiato teo amin’ny sehatra diplaomatika sy ny vaovao iraisam-pirenena. Afaka hifamela ary ve ny roa tonta sa dia resaka fotsiny ny hoe fampihavanana ?
Eto an-toerana, ny minisitra sasany manao ny ataony.

I Tabera Randriamanantsoa, ohatra, dia nilaza fa rehefa heverina fa misy zava-dehibe hodinihina vao manatrika ny Filankevitry ny minisitra ny tenany. Io anie ilay efa hita mialoha amin’ity fiaraha-mitantana ity e. Ny minisitra avy amin’ny ankolafy tsirairay dia tsy hanaiky mihitsy hofehezin’ny Filohan’ny Tetezamita fa samy manao izay saim-pantany. Rehefa handray karama kosa aloha tsy misy midongy izany fa mampiseho fahavononana tsara tokoa. Tsy misy dikany izany fitadiavana vahaolana hialana amin’ny krizy izany.

Eric Ranjalahy

1 Fanehoan-kevitra

Lahatsoratra hafaMiverena @ pejy fandraisana

	Mizatra tena(0) Nampiantso ireo kandidà amin’ny fifidianana filoham-pirenena mba hanao fanambarana hanohitra ny fanemorana an’io fifidianana io ny kandidà iray omaly teny Antaninarenina. Tsy raikitra anefa ilay fanambarana noho ny fahavitsian’ireo nanoina ny antso. Manan-jo tanteraka ny hanao io fanambarana io ireo kandidà ireo fa ny tena nahavaka sy nampametra-panontaniana nanoloana ny zava-nisy teny Antaninarenina, omaly, dia ny fiheveran’ny kandidà sasany ny tenany ho efa tena eo amin’ny fitondrana tokoa. Hentitrentitra ihany mantsy raha ny fisavana izay olona handeha hanatrika ilay fotoana omaly io. Manoatra noho ny efa fisavana eny Ambohitsoro- hitra ireny ery! Raha tahotra ny mety hisy hanao hasomparana ve dia hahavita hanamarina izay fandraisana fepetra hentitra izay? Fame- trahana ny tena ho efa manan-danja sy tsy mitovy amin’ny olon-tsotra angamba no tiana navoitra. Mba efa manao fanazarantena koa angamba mba tsy ho tampohany rehefa tokoa ny tokoa. Enga anefa anie mba tsy ho nofinofy ririnina fotsiny ihany izany.

	Kandida filoham-pirenena – Minisitra iray, lehiben’ny faritra iray sy mpikambana Cst iray nametra-pialana(0) Ny telo tamin’ireo kandidà ho filoham-pirenena mitana andraikitra ambony ihany no nametra-pialana omaly. Ny minisitry ny Raharaham-bahiny Rajaonarivelo Pierrot, ny mpikambana ao amin’ny Filankevitra ambonin’ny teteza- mita (Cst) Rasamoelina Brigitte ary ny lehiben’ny faritra, Faharo Ratsimbalison, ireo nametra-pialana ireo. Ny minisitry ny Raharaham- bahiny dia mbola nametraka fa miankina amin’ny faneken’ny Praiminisitra lehiben’ny governamanta ny hampanan-kery na tsia izay fametraham-pialany izay. «Hatreto aloha dia miandry ny tenin’ny Praimini-sitra isika. Handefa ny taratasy mirakitra ny fametraham-pia-lako any amin’ny Fitsarana mano- kana misahana ny fifidianana aho. Aorian’ny valin-tenin’ny Praiminisitra no ahafantarana izay olona hasolo ahy», hoy Rajaonarivelo Pierrot, teny amin’ny Fitsarana avo momba ny Lalàm-panorenana raha avy nanolotra ny taratasy fialany tamin’ny Fitsarana manokana misahana ny fifidianana ny tenany. Ny 26 mey no migadona ilay 60 andro mialohan’ny fifidianana voafaritra fa tokony hametraham-pialan’ireo tompon’andraiki-panjakana niro-tsaka hofidiana. Noho io andro io mitontona alahady izay andro tsy fiasana anefa dia fantatra fa mbola hisy amin’ ireo kandidà no hiandry ny alatsinainy vao hiroso amin’izay fametraham-pialana izay. Ranaivoson Faniry

	Firaisankina – Kandidà roa ihany no nanoina ny antson-dRafalimanana Ny Rado(0) Kandidà roa ihany no tonga nanoina ny antson’ ny kandidà Ny Rado Rafali- manana, omaly, teny amin’ ny hotel Colbert Antaninare- nina. Nikasa hanao fanambaràna lehibe mitaky ny hitazomana ny datin’ny fifi-dianana amin’ny 24 jolay ireo kandidà ireo ary hampi- tandrina izay mihevitra ny hanemotra ny fifidianana, raha ny tsilian-tsofina. Raha tamin’ny 5 ora hariva ny fotoanan’ireo kandidà hanaovana ilay fanam-baràna dia tokony ho tamin’ ny 5 ora sy sasany no tonga ny kandida voalohany Razafimanazato Julien. Tamin’ny 6 ora hariva latsaka kosa no tonga ny kandidà faharoa Noelson William. Taorian’izay dia niara-nihidy tao amin’ny efitrano nokasaina hanaovana ilay fanambaràna izy telo. Tamin’ny fotoana nialana teny an-toerana ora vitsy taorian’izay dia sady tsy nisy ilay fanambaràna no tsy nisy tonga intsony ihany koa ireo kandidà hafa. Ranaivoson Faniry

	SADC – Hodinihina maika any Addis-Abeba ny raharaham-pifidianana (0) Araka ny fanambaràna nataon’ny filoha lefitry ny Vaomieram-pirenena mahaleo tena misahana ny fifidianana ao anatin’ny tetezamita (Cenit), Mamy Ralaiariliva, omaly dia «hanatanteraka fivoriana tsy ara-potoana handinihana manokana ny raharahan’i Madagasikara any Addis-Abeba ny vondrona Sadc rahampitso alahady 26 mey». Voalaza fa karazana fihaonana an-tampony izay handraisan’ireo Filoham-pire-nena mandrafitra ny Vondrona Sadc anjara mihitsy ity hotanterahina ao an-drenivohitr’i Ethiopie ity. Hatreto aloha dia tsy mbola fantatra mazava ny lohahevitra hodinihina any an-toerana. Azo heverina anefa fa isan’ny teboka tsy maintsy hitoeran’ny adihevitra ny momba ny raharaham-pifidianana, indrindra fa ny fitakiany ny fisintahan’ny Filohan’ny tetezamita, Andry Rajoelina sy ny amiraly Didier Ratsiraka ary i Lalao Ravalomanana tsy ho kandidà amin’ny fifidianana filoham-pirenena. Aorian’io fivoriana io dia hisy ny fahatongavan’ireo iraky ny Sadc eto Madagasikara. JR

	Sombiny(0) NANOME TOKY > Nanome toky ny hanao izay fomba rehetra hiarovana ireo Maso-ivoho sy Kaonsily ary ireo solon- tenan’ny sampan-draharaha iraisam-pirenena eto amin-tsika ny governemantan’ny tetezamita taorian’ny tranga niseho tetsy Ankorondrano, ny alarobia lasa teo. Ny mini- sitry ny Fitsarana, Christine Razanamahasoa sy ny mini-sitry ny Raharaham-bahiny Pierrot Rajaonarivelo no nisolo tena ny governemanta nanao ny fanambaràna mifandraika amin’izany. Araka ny fanambaràna nataon’ny minisitry ny Fitsarana dia hisy ny fanen- jehana ara-pitsarana ireo izay tompon’antoka tamin’io raha- raha fanivaivana ny solontena maharitry ny Firenena Mikam- bana, Fatma Samoura io. FAKAN-KEVITRA > Omaly no nangataka ny hevitr’ireo tompon’andraikitra eo anivon’ ny Ffitsarana manokana misa- hana ny fifidianana (Ces) manodidina ny fomba handra- vonana ny olana mahakasika ny firotsahan’ny Filohan’ny tetezamita, Andry Rajoelina sy ny amiraly Didier Ratsi-raka ary i Lalao Ravalomanana ny filohan’ny Filankevitry ny fampihavanana malagasy, ny jeneraly Sylvain Rabotoa-rison. Omaly dia nilaza ny mbola hifampidinika sy hijery ny vahaolana afaka hitondra any amin’ny fitoniana ny Ces, tamin’ny alalàn’ ny filohany, Jean Michel Rajaonarivony.

Hijery hafa