Fanatsarana tetibola CUA – Mety homena olon-tsotra ny fitantanana ny tsena

Novoitra tamin'ny dinidinika omaly fa mihatsara ny fiaraha-miasa eo amin'ny olom-boafidy sy ny mpanatanteraka

Nifarana omaly ny fivorian’ny filankevitra monisipaly, nandinihana ny tetibolan’ny kaominina Antananarivo renivohitra (Cua), enti-miasa amin’ity taona 2013 ity. “Ar 27 400 000 000 ny tetibola notapahina izay hifototra amin’ny fanatsarana ny vola miditra amin’ity taona ity”, hoy Razafindravahy Edgard, Pds-n’Antananarivo. Notanisainy tamin’ izany ny hijerena fomba mahomby ahafahana mitantana ny tsena sy ny vakoka, ary ny fandinihana ny hetra tokony halaina amin’ireo orinasam-pifandraisana, izay mbola tsy voafaritra tao anatin’ny tetibolan’ny Cua mihitsy.

“Tsaratsara kokoa raha omena olon-tsotra ny fitantanana ny tsena. Andraikitr’io mpitantana io ny misahana ny fandaminana rehetra, hatramin’ny fanadiovana, izay mety mba hampihena ny fandanian’ ny Cua. Toy izay koa ny toeram-piantsonan’ny fiara. Hampitoviana ihany koa ny tsatoka rehetra manambara ny fahazoan-dalana hanorina mba hahamora ny fanaraha-maso akaiky”, hoy kosa Ranaivoarimanga Sahoby, filohan’ny filankevitra monisipaly.

Hiompana amina lafin-javatra telo io tetibola io, raha ny nambaran-dRasoanaivo Mamy, tale ara-bola eo anivon’ny Cua. “Ar 11 000 tapitrisa ho an’ny fampandehanan-draharaha ankapobeny, Ar 14 700 tapitrisa kosa momba ny mpiasa ary Ar 1 900 tapitrisa ho fanatsarana ny fotodrafitrasa. Samy maika avokoa ireo”, hoy izy.

Lilia Rajaonah

0 Fanehoan-kevitra

Lahatsoratra hafaMiverena @ pejy fandraisana

	Tao anatin’ny telo volana – Olona roa maty, 650 nararin’ ny fahapoizinana ara-tsakafo(0) Aleo ihany mitandrina. Ho avy indray ny fotoanan’ ny fety, andro hikarakaran’ny olona maro sakafo miavaka amin’ny andavanandro. Fotoana matetika mahabetsaka ny fahapoizinana ara-tsakafo koa anefa izany. “Mitombo hatrany ny olona tratran’ny fahapoizinana ara-tsakafo. Efa nahatratra 650 izany tamin’ity taona ity ary nisy olona roa mihitsy maty vokatr’izany. Ny fotoanan’ ny fety no mahabetsaka ny

	Fanabeazana – Miandrandra fanamboarana ny EPP etsy Ivandry(0) Mila mitady vola Ar 600 tapitrisa ny sekoly ambara- tonga voalohany, etsy Ivandry, mba hahafahana manangana manatsara sy manamafy ny sekoly. «Tamin’ny volana janoary 2010 no nirodanan’ity sekoly ity ka efa tonga nandalo teto ny teo anivon’ ny kaominina Antananarivo renivohitra, izay notarihin’ ny Filohan’ny delegasiona manokana mitantana ny renivohitra, Edgard Razafindravahy. Vao tsy ela akory dia nanome toky ihany koa ny teo anivon’ ny Rotary club Ivandry fa

	Fetin’ny reny – Tratran’ny krizy koa ny tsenam-boninkazo(0) Be mpitia saingy tsy takatry ny fahefa-mividy. Izany no azo hamehezana ny tsenan’ ny voninkazo amin’izao an-katoky ny fetin’ny reny izao. Mikaikaika na ireo mpanjifa na ireo mpivarotra amin’ny halafon’ny entana sy ny tsy fisian’ny tsena. “Tena tsy misy mihitsy ny tsena raha mitaha ny hatramin’izay. Betsaka ny mpitsidika saingy ilay fahefa-mividin’ny olona mihitsy no tsy ampy”, hoy Rakotoson Vololona, lehiben’ny fikambanan’ ny mpamboly voninkazo “Ceinture verte”, mikara-

	CCI Ivato – Namoaka tanora manam-pahaizana 457 ny sekoly ambony ESSCA(0) Hetsika tafiditra amin’ny fankalazana ny faha-20 taonan’ny Esca. Navoaka tamin’ny fomba ofisialy omaly, teny amin’ny CCI Ivato, ireo tanora mpianatra nahavita fiofanana tao amin’ny Sekoly ambony Essca. Mpianatra 457, misalotra ny anarana «Orimbato», no nozaraina diplaoma ambony «Masters» sy «Licence», momba ny Fitantanana sy ny Varotra Iraisam-pirenena ary Marketing . Harilala Ramanantsoa, tanora mpandraharaha, manana

	Tapatapany(0) Halatra dabam-pako vy Efa mahatratra folo mahery ny dabam-pako vy, fanangonam-pako eto amin’ny tanànan’ Antananarivo no nisy nangalatra, tao ho ao. Anisan’ny antony mampi- paritaka ny fako amin’ ny toerana sasany. Manao antso ny fiadidiana ny tanàna mba hanaraha-maso ireny dabam-pako ireny fa miteraka fatiantoka be ho an’ny renivohitra. 80 taona ny IHS Feno 80 taona ny Institut d’hygiène social, izay niova ho Etablissement universitaire de soins et de santé public, EUSSP eny Analakely. Nisy fitokanana tsangambato, nenti-nanamarihana izany, ny alakamisy teo. Misy varavarana

Hijery hafa