Fampianarana ambony – Takontakon’ny fahazoana teknolojia ny aretin’ny Oniversiten’Antananarivo

Nanakonakon-dratsy ny olan’ny fampianarana eny anivon’ireo oniversite eto amintsika ny fanokafana ireo ivon-toerana telo hahafahan’ireo mpampianatra miofana, hahafahan’ireo mpianatra mikirakira maimaim-poana ny tranonkala sy ireo efitrano lehibe hanamorana ny fanomanan’ireo mpianatra ny fanohanan-kevitra na fanohanana voka-pikarohan’izy ireo.

Vita ny fampifandraisana tamin’ny alalan’ny hosona ny oniversiten’Antananarivo amin’ny any ivelany sy ireo ireo oniversite hafa eto an-toerana. Mitoetra ho ambany hatrany anefa ny fahafaha-mandray ireo mpianatra, raha tsy hilaza afa-tsy ilay ivon-toerana informatika. « 25 000 ireo mpianatra ety saingy 150 ihany no zakan’ny efitra handraisana ireo mpianatra hikirakira tranonkala amin’ny alalan’ilay teknolojia »wi-fi » », hoy Rakotoarisoa Jean Eric, Filoha lfeitry ny oniversiten’Antananarivo.

Tsy nisy fanitarana

Resy lahatra anefa ireo tompon’andraikitr’ity oniversite ity fa manampy na amin’ny fahazoam-baovao na eo amin’ny fampihenana ny fandaniam-bola ny fanatsarana ny lafiny informatika eo anivony. « Tsy mila mandany vola manafatra ireo mpitsara ny fanohanam-pikarohana ataony intsony ohatra ireo mpianatra, satria azo atao amin’ny alalan’ilay teknolojian’ny fahitalavitra ifankahitan’ny roa tonta na ny »visio-conférence » ny fanohanana fikarohana atao », hoy Andriatsimahavandy Abel, filohan’ny oniversiten’Antananarivo, raha nanokatra tamin’ny fomba ofisialy ireo ivon-toerana ireo omaly. « Azo omanina dieny izao ihany koa ny fahafahana manaparitaka ireo lesona any amin’ny tranonkala hahafahana mandray mpianatra mihoatra ireo 8 000 isan-taona azo noraisina hatrizay », hoy indray Rakotoarisoa Eric.

Hanitry Ny Aina

0 Fanehoan-kevitra

Lahatsoratra hafaMiverena @ pejy fandraisana

	Fambolena sy fiompiana – «Tokony ho sompitry ny Ranomasimbe Indianina isika», hoy ny Fivmpama Iankinan’ny ho avin’ny firenena. Notanterahina omaly ary hitohy anio, etsy amin’ ny tokotany malalaky ny Tour Zital, Ankorondrano ny «zaikabe ho an’ny fandraharahana eo amin’ ny sehatry ny fambolena sy fiompiana», karakarain’ ny Fivondronan’ny Mpan- draharaha Malagasy na ny Fivmpama. « Ny fahatsapana ny tsy fisian’ny firindrana sy ny fitrandrahana, araka ny tokony ho izy, ny harena avy amin’ny fambolena sy ny fiompiana misy eto amintsika

	Fikarohana – Nampahafantarina ny karazam-bary vaovao ho an’ny sakafo mahasalama Tontosa omaly, tetsy amin’ny Hotel Colbert Antani- narenina, ny atrikasa tao anatin’ilay tetikasa fitaratra «voly vary, ho an’ny sakafo ara-pahasalamana». Nisy ny andrana karazam-bary vaovao izay natao tany Anjepy – Manjakandriana, ny volana oktobra 2012, vokatry ny fiaraha-miasan’ ny orinasa Nestlé sy ny ivon-toeram-pikarohana ho an’ny fampandrosoana ny eny ambanivohitra, ny foibe fikarohana momba ny fambolena (FOFIFA), ny ivon-toeram-pikarohan’ ny Nestlé, any Abidjan (Côte d’Ivoire) ary ireo sekoly ambony samihafa.

	Fitrandrahana – Nohamafisina ny sazin’ny Mainland fa tsy mbola vita ny RN5 Mihasimba! Tsy misy fivoarana ny asa fanamboarana ny lalam-pirenena faha-5 mampitohy an’i Toamasina sy Fenoarivo Atsinanana, sahanin’ny kaompania mpitrandraka Mainland ary ao anatin’ny fifanarahany amin’ny minisiteran’ny Harena an-kibon’ny tany. «Misy fahatarana be ny asa, satria efa hatramin’ny 4 avrily no niato izany. Vao mainka mitombo ny fahasimbana, na dia efa nisy ampahan-dalana sasantsasany nasiam-panam- boarana aza», araka

	Fandraharahana ara-bola madinika – Mitaraina amin’ny hetra sy ny sara alain’ny banky ireo mpandraharaha Manakaiky kokoa ireo olona any ambanivohitra ary manampy azy ireo amin’ny fitantanana ny vola sy amin’ny fanatsarana ny fiainany ireo mpandraharaha amin’ny fampindramam-bola madinika. Misedra olana anefa ankehitriny ity sehatra ity satria mitairana amin’ny hetra sy ny sarany alain’ ireo fandraharahana goavana. “Tsy maintsy any amin’ ireo sehatra ambony ireo mantsy no ametrahana ny volan’ireo mpandraharaha ara-bola madinika araka ny lalàna misy”,

	Hetsika bazar chic – Nosembanin-drahon’ny korontana tamin’ny tolotra tabilety Niteraka filaharam-be. Nanamarika ny andiany voalohany tamin’ny hetsika Bazar Chic, tanterahina etsy amin’ny lapan’ny Fanatanjahantena etsy Mahamasina, nanomboka omaly ka haharitra hatramin’ ny alahady izao, ny fifandrombahana mba hahazoana ny tabilety na tabbee natolotry ny Orange. Io no azo lazaina fa nanamaloka kely ny andro omaly (Ndlr: vakio lahatsoratra pejy faha-2). Ankoatra ity tolotra ity, karazam-bokatra samihafa ihany koa no hita amin’ity Bazar chic ity, izay ahitana tranoheva 250 miaraka amin’ny fihenam-bidy 15% fara fahakeliny. Vao mangiran-dratsy dia efa nisy nilahatra mba hahazo ity tabilety natolotr’io orinasa mpandraharaha eo amin’ny sehatry ny fifandraisana io, satria namidy Ar 49 000 ilay fitaovana niaraka tamin’ny fahana «internet» tao anatiny. Nohazavain’Andrianasolo Njaka, Tale Jeneralin’ny FIMA FM (Finance Management for Madagascar) mpikarakara ny hetsika anefa fa misy ny fepetra amin’ny fahazoan’ny mpanjifa an’izany tolotra izany. Nampiakatra ny isan’ny mpanjifa dika mitovy (photocopie) teny amin’ny manodidina an’i Mahamasina io hetsika tetsy amin’ny lapan’ny Kolontsaina sy fanatanjahantena io. Isan’ny notakiana tamin’ireo mpanjifa mantsy ny dika mitovin’ny karapanondrom-pirenena Tafakatra Ar 200, raha Ar 100 amin’ny mahazatra, ny saran’ny dika mitovy. Faly Ran.