Bika aman’endrika – Lasan’ny solotena Malagasy ny laharana faharoa tamin’ny Miss Union Afraicaine

Ratsimba Andriatavy Charlène, ilay nahazo ny 1ère Dauphine

Nitondra avo ny voninahitr’i Madagasikara. Tovovavy malagasy no nandrombaka ny laharana faharoa na « 1ère Dauphine » tamin’ny fifidianana izay tovovavy tsara bika aman’endrika ho an’ny Firaisambe Afrikanina, faritra fahenina.

Notanterahina ny 24 desambra teo tany Paris-Frantsa ny andiany faharoa tamin’ity fifaninanana iraisam-pirenena ity. Ratsimba-Andriantavy Charlène, izay vao 19 taona no nitondra avo ny anaran’ i Madagasikara tamin’izany. Mpianatra ao amin’ny Lycée Jean-Guéhenno de Flers any Frantsa izy ary eo am-panomanana ny fanadinana Bakalorea sokajy S.

Tovovavy afrikanina teo anelanelan’ny 18 ka hatramin’ny 25 taona, 24 no nandray anjara tamin’ny fifaninanana.

Leila Ndabirabe avy any Burundi ary mpianatry ny Oniversiten’i Bruxelles no nitana ny toeran’ny Miss Firaisambe afrikanina io nandritra ny taona 2012.

Nangonin’i FR

0 Fanehoan-kevitra

Lahatsoratra hafaMiverena @ pejy fandraisana

	Fetin’ny Reny – Hamaky sehatra eto Antananarivo i Barinjaka sy Nina’s(0) Mpanakanto roa samy ho avin’ny mozika mafana. Taorian’ireo seho takariva samihafa, hamaky sehatra eto Antananarivo i Barinjaka sy Nina’s, ao anatin’ilay fampisehoana «Fetin’ny reny goavam-be», izay hotanterahina ny alahady tolakandro izao, etsy amin’ ny kianjan’ny Complexe scolaire Ampefiloha. Sambany izy mianadahy ireto, araka izany, no hiatrika seho an-kalamanjana. Hibahan-toerana ao anatin’ity seho ity, araka izany, ny gadona avy any amin’ny faritra atsimon’ ny Nosy satria raha nahafantarana

	Rakikira fah-8 – Hanolotra maimaim-poana ny «Maha-domelina» i Samoëla(0) Mpanakanto fantatra eo amin’ ny tontolon’ny vazo miteny. Miainga any indray ny rakikira fahavalo novokarin’i Samoëla ary hatolony maimaim-poana ireo mpankafy ny «Maha- domelina». Mandritra ny seho izay hotanterahina, amin’ny sabotsy izao, etsy amin’ny kianja malalaky ny Esca Antanimena no hitondrany an-tsehatra ireo hira 10 voarakitra ao anatiny. «Lohahevitra no entinay ao anatin’ny rakikira vaovao

	« Découverte RFI 2012″ – Hanolotra seho tokana eto Madagasikara i Elmotho(0) Tafiditra ao anatin’ny fitetezana firenena maro. Hanolotra seho tokana eto amintsika i Elmotho, mpanakanto avy any Namibie, izay nandrombaka ny loka tamin’ny fifaninanana «Découvertes Rfi-France 24», tamin’ny 2012. Efa hatramin’ny ela no nitondra ny zava-kantony ivelan’ny firenena niaviany i Elmotho ary ny nahazoany io loka io dia efa sehatra iray hitondrany ny zavakanto ho an’i Afrika, izay voaresany matetika ao anatin’ny

	« Herinandron’ny kolontsaina » – Voaporofo ny fahasamihafana isam-paritra sy ny firenena(0) Tafiditra tao anatin’ ilay hetsika, «Herinandro ho an’ny kolontsaina». Nankalazaina omaly ny andro iraisam-pirenena ho an’ny kolontsaina maro lafy. Nankalazaina tamin’ny alalan’ny seho sy fampirantiana samihafa tetsy amin’ny La City, Ankorondrano io andro io, ka nanehoana ny fahasamihafana eo amin’ ireo kolontsain’ny faritra eto Madagasikara an-daniny ary ny fahasamihafana avy amin’ireo firenen-tsamihafa an-kilany. Nasehon’ireo tranoheva maromaro ny mampiavaka ny kolontsaina isam-paritra eto Madagasikara, ka nisongadina tamin’izany ireo fomba fitafy sy ny taovolo isaky ny faritra na isaky ny foko. Masoivoho vahiny maromaro ihany koa

	Tapatapany(0) FISARIHANA Finday avo lenta no ho azon’izay tsara vintana mandritra ny fisarihana hotanterahin’ny banky Bni, mandritra ny foara iraisam-pirenena tanterahina, etsy amin’ny Parc des expositions Forello Tanjombato, ny alakamisy 23 ka hatramin’ny alahady 26 mey ho avy izao. Ny alahady hariva amin’ny 4 ora sy sasany no hanaovana ny fisarihana ka ireo telo voalohany tsara vintana no hahazo amin’izany.