Baolina lavalava – Nokianin’ireo mpilalaon’ ny Makis ireo mpanatsatso ny fandreseny

Nandeha be ny resaka fa «nangalarana vao nandresy ny Makis» ka nahatonga fofona ireo mpilalao sy mpanazatra ary mpitantana ny federasiona. «Fihevitry ny olona tsy tia tanindrazana izany. Raha tena tia tanindrazana izy ireo dia mba nandinika kely vao niteny izany. Ra no nilatsaka ary ratra betsaka no nanjo an’ireo mpilalaontsika tamin’iny lalao famaranana ho an’ny fiadiana ny ho tompondakan’i Afrika ho an’ny baolina lavalava iny», hoy i Marcel Rakotomalala, filohan’ny federasiona malagasin’ny baolina lavalava. Nanao teny mahitsy kosa i José Rakoto Harison, kapitenin’ny Makis omaly fa «ady no natrehina. Heveriko fa olona tsy tia ny fandrosoan’ny ekipam-pirenena no niteny izany”.

“Samy manana ny fahitany azy iny lalao iny. Ao ireo mijery mitongilana, ao ihany koa anefa ireo manana fijery hafa ka mba nitsinjo an’ireo mpilalao namono tena ho fakana izany. Heveriko fa nitovy tamin’izany ihany koa ny fomba fijery teo amin’ireo Malagasy fahiny tamin’ny ady nataon’ny Menalamba ho an’ny fitiavan-tanindrazana”, hoy i Berthin Rafalimanana na i Berthin Zoto, mpanazatra nasionaly. Nanterin’izy ireo kosa ny fisaorana ho an’ireo rehetra “nitoto nahafotsy sy nahandro nahamasaka” izany fandresena izany. Isan’izany ny Fiadidiana ny tetezamita sy ny fiadidiana ny tanànan’Antananarivo renivohitra ary ireo mpanohana hafa. “Ny irariana dia ny hitohizan’izany hatramin’izay tanjona faran’izay tratra. HItohy amin’ny lalao hotontosaina any Maraoka amin’ny volana septambra eo amin’ny rugby lalaovin’olona fito ny fifaninanana kaontinantaly ho an’i Madagasikara. I Berthin Zoto ihany no hitantana izany.

Roméo Andriamihaja

0 Fanehoan-kevitra

Lahatsoratra hafaMiverena @ pejy fandraisana

	« Afrobasket tour U16″ – Nomontsanin’ny FFI Ivandry ny South Side(0) Tamin’ny alalan’ny isa mavesatra 103 no ho 42 no nanamontsanan’ny ekipan’Ivandry, FFI, ny South Side avy eny Atsimondrano, ny sabotsy lasa teo teny amin’ny kianjan’Ambohipo. Andro faharoa tamina kianja faharoa ity notontosaina ity taorian’ ny nanombohan’ny teny amin’ny kianjan’ Ambodin’ Isotry, herinandro talohan’ izao. Ity ekipan’Ivandry ity irery no nahatafakatra ny isa 100 tamin’ireo lalao dimy nanamarika izany teny an-toerana. Nanamarika iny faran’ ny herinandro iny ihany koa ny fandresena faharoa

	Lay sy voy lakana – Mpilay 10 ofanin’i Rob Holden ho lasa mpampianatra(0) “Hanomboka hametraka ny fototra eo amin’ny fitondrana lay sy ny voy lakana ny federasiona amin’ity taona ity hatramin’ ny taona 2016”, hoy i Brice Jacobson Andrianirina, filohan’ny Lay Voy Lakana Malagasy federasiona, omaly teny amin’ny hotel Palissandre Ambondrona. Hoentina manomboka izany ny fampiofanana ireo mpampianatra 10 mianadahy tontosaina any Antsiranana, izay tarihin’ilay manam-pahaizana manokan’ny federasiona iraisam-pirenena, Rob Holden. “Fanatanjahan- tena tsy mitovy amin’ny rehetra izy ity ka ilaina ny mpampianatra manana

	« Tournoi Berthin » – Hisokatra eny amin’ny kanetibe sy basket-ball(0) Nandritra ny lalao nokara- karaina teny Antanikatsaka Itaosy no namalian’i Berthin Randriamihaingo ny heta- hetan’ireo mpankafy taranja tsipy kanetibe sy basket-ball, avy eny Atsimondrano. “Hosokafantsika ato ho ato ny fifaninanana ho an’ireo taranja roa ireo raha efa nisy ny fifaninanana baolina kitra sy rugby nokarakaraina. Ireo tanora eny amin’ny fokontany amin’ny distrikan’ Atsimondrano no nangataka izany ka mendrika hotohanana”,

	Baolina kitra UFOI – Hatao etsy Mahamasina ny lalao famaranana miverina(0) Ny alatsinainy teo no nanainga hihazo an’i Seychelles, izay hiatrehan’izy ireo ny lalao famaranana mandroso ho an’ny fiadiana ny ho tompondakan’ny Ranomasimbe Indianina hihaonana amin’ny Dalons de la Côte D’Or, ny Tana Formation FC. Mpilalao 18 no mandrafitra ny delegasiona ka ny “hikatsaka fandresena no tena tanjona”, araka ny nambaran’i Hery Rasoamaromaka, filohan’ny klioba Tana Formation FC. “Mbola matory indroa

	« Evenement sportif » – Hifaninana hitety faritra ireo mpiasan’ny Otiv(0) Kianja efatra amina tanàna samy hafa no hanao- vana ny fifaninanana ho an’ireo mpiasan’ny Otiv tambajotra Antananarivo, ao anatin’ny iray volana. Hatomboka any Mangamila izany amin’ny sabotsy ho avy izao, ary hiova kianja isaky ny faran’ny herinandro hatramin’ny 15 jona, hanaovana ny famaranana. “Isan’ny hampiavaka ity andiany fahefatra ho an’ny fifaninanana karakarainay ity ny fidinana eny amin’ireo masoivoho efatra: Mangamila, Ambohimalaza,

Hijery hafa