Baolina kitra UFFOI – Resin’ny Saint Paul ny Cnaps Sport

Tahirin-tsarin’ny Cnaps Sport niatrika lalao tao Mahajanga

Hain’ny Saint Paul, tompondakan’i La Réunion ny namadika ny rasa, nanoloana ny fitarihan’ny Cnaps Sport. Niondrika tamin’ny alalan’ny isa 2 no ho 1 ity farany nandritra ny lalao famaranana mandroso ho an’ny fiadiana ny ho tompondakan’ny Ranomasimbe Indianina (Uffoi), izay natao ny alarobia alina teo, tao La Réunion.

Nitarika 1 no ho 0 teo amin’ny fizaram-potoana voalohany isika Malagasy, izay baolina nampidirin’i Jimmy Simouri teo amin’ny minitra faha-17. Baolina naverin’i Elysé Randriamanantena tany amin’ny mpiandry tsatokazo, Jean de Dieudonné Randrianasolo na i Leda, no noraisin’ity farany, ka nahatonga ny “Coup franc” teo amin’ny 5 m, ka nana- sahalan’i Siala Alexis ny isa teo amin’ny minitra faha-49 fizaram-potoana faharoa. I Antoine Rasolofo, izay teratany malagasy mizaka ny zom-pirenena mahorey miara-milalao amin’i Sedera ao amin’ ny Saint Paul kosa no namono ny baolina faharoa ho an’ireto Renioney ireto teo amin’ny minitra faha-60. Ny 10 jona ho avy izao, any Mahajanga, ny lalao miverina

R.A

0 Fanehoan-kevitra

Lahatsoratra hafaMiverena @ pejy fandraisana

	Basket ball N1B – Nihintsana avokoa ireo ekipan’Analamanga(0) Tsy nahovoka. Ekipan’Analamanga telo no indray nihintsana teo amin’ny dingan’ny ampahefa-dalana ho an’ny fiadiana ny ho tompondakan’i Madagasikara, eo amin’ny basket sokajy N1B, tany Toliara, omaly hariva. 66 no ho 63 no nandavoan’ny SBC (Vakinankaratra) ny ekipan’ny kolejy Masindahy Misely, raha ny TTS avy eny Ambohimanarina no nanaraka ny diany taorian’izay, resin’ny USF Matsiatra Ambony 90 no ho 80 taorian’ny fanalavam-potoana. Teo amin’ny lalao fahatelo

	Baolina kitra Analamanga – Hotsapain’ny IFC ny Tana Formation(0) Mialoha ny handehanany hiatrika ny lalao famaranana mandroso any Seychelles, eo amin’ny fiadiana ny ho tompondakan’ny Ranomasimbe Indiana ny talata izao, dia hotsapain’ ny Iarivo Football Club etsy Mahamasina anio ny Tana Formation FC. Lalao miverina ho an’ny fiadiana ny ho tompon- dakan’Analamanga eo amin’ny baolina kitra ity lalaon’ny roa tonta ity, tafiditra amin’ireo lalao hanamarika ny andro faha-13. Lalao azo heverina ho fanalana vela ihany ho an’ny ekipan’i Frank Rajaonarisamba, satria tamin’ny lalao mandroso dia niondrika tamin’ny isa 2 no ho 1 ny Tana Formation. Mila mitana ny toerany faharoa eto Analamanga anefa ity farany satria taorian’ny andro faha-12 dia izy ireo no

	Tenisy « Coupe Davis » – Hifandona amin’ ny 1/2-dalana i Maraoka sy Madagasikara(0) Azon-dry Jean Jacques Rakotohasy sy ny namany, izay misolo tena antsika any Egypta amin’ny fifaninanana tenisy na ny “Coupe Davis” Vondrona III, ny laharana voalohany niarahana tamin’i Namibia ary Rwanda tao amin’ny Vondrona C. I Maraoka no hifandona amin’ny ekipa Malagasy amin’ny manasa-dalana, taorian’ ny nandresen’i Mada- gasikara isa 3 no ho 0 ny Namibiana, omaly. Teo amin’ny lalao voalohany, resin’i Jean Jacques Rakotohasy na i Zakakely tamin’ny seta 2 no ho 0 (6/3, 6/0)

	Rugby « Grand defi Berthin » – Ekipa valo hifampihantsy eny Antanikatsaka(0) Mandritra ny alatsinainin’ny Pantekosta dia hifampihantsy eny amin’ny kianjan’Antanikatsaka ireo ekipa valo avy eny amin’ny seksiona Atsimondrano, eo amin’ny taranja rugby, izay efa niatrika ny “tournoi Berthin Atsimondrano”. “Fangatahan’ireo ekipa ireo ny hifanala vela ka antony nahasarika anay hanohana azy ireo. Fanao rahateo izany lalao fihantsiana izany ho an’ny rugby. Tsy ady omby fa fitaovana hoentina manao fanatanjahantena no hatolotra ho an’izay mandresy”, hoy i Berthin Randriamihaingo, filohan’ny “Team Berthin”. R.A Fandaharam-potoana XV Trefle

	Kitra amin’ny tora-pasika – Mpilalaon’ny morontsiraka avokoa no mandrafitra ny Barea(0) Saika mpilalao avy any amin’ny morontsiraka avokoa no mandrafitra ireo Barea 12 hiatrika ny fifanintsanana hiatrehana ny Mondial eo amin’ny baolina kitra lalaovina amina tora-pasika hatao any El Jadida Maraoka amin’ny 21 – 26 mey ho avy izao. Hifantenana izay hisolo tena an’i Afrika amin’ny fiadiana ny amboara eran-tany hatao any Tahiti amin’ny septambra 2013 izy ity. Olona 15, ka 12 no mpilalao, no handrafitra ity delegasiona malagasy, izay hanainga amin’ny alatsinainy

Hijery hafa