“Ballon d’or 2012” – Fantaro ny momba ireo mpilalao enina mianadahy tafita amin’ny famaranana

MATETIKA DIA TAKONA AO AORIAN’IREO MPILALAO LEHILAHY HAHAZO NY “BALLON D’OR” IREO MPANAZATRA SY MPILALAO VEHIVAVY MENDRIKA, MANDRITRA NY TAOM-PILALAOVANA IRAY EO AMIN’NY BAOLINA KITRA. MISY AMIN’IZY IRENY ANEFA NO EFA IMBETSAKA NO NAHAZO IZANY ANARAM-BONINAHITRA MANOKANA IZANY. FANTARO ARY NY MOMBA-MOMBA AZY IREO SY NY ZAVA-BITANY HATRAMIN’IZAY.

Ireo mpilalao lehilahy

Izy no tompon’ny “ballon d’or” farany teo

Lionel Messi

Mikendry ny handrombaka ny amboara faninefany amin’ity taona ity i Lionel Messi, izay efa nandrombaka ny “ballon d’or” tamin’ny 2009, 2010 ary 2011. Teraka tamin’ny 24 jona 1987 tany Rosario (Arzantina) i Leo Messi. Fony izy 13 taona no nanomboka nilalao tao amin’ny FC Barcelone hatramin’izao fotoana izao.

Ny tolotolotra sy ny famonoam-baolina no tena hain’ity teratany Arzantina ity. Saika nahafaty baolina hatrany izy tamin’ireo lalao rehetra natrehany, tao amin’ny FC Barcelone. Tamin’ireo lalao 352 nataony niaraka tamin’ny Barça dia niisa 283 ny baolina matiny. Takona anefa izany famirapiratany izany ao amin’ny ekipam-pirenena arzantina, izay mbola tsy nahazo ny amboara eran-tany hatramin’ny naha tao azy. Antonela Roccuzzo no anaran’ny fofombadin’i Leo Messi.

Ronaldo sy ny zanany

Cristiano Ronaldo

Mambabo ny fon’ny vehivavy ity mpilalao portogey ity ary mampiavaka azy ny volony, izay somary lava ny eo afovoany. Isan’ny fahalemen’i Cristiano Ronaldo io fitiavam-behivavy diso tafahoatra io. Teraka tao Funchal tamin’ny 5 febroary 1985 i CR 7, araka ny solon’anarana entiny ary zanaka olona sahirana tany Funchal izy. Efa manan-janaka lahikely i Cristiano Ronaldo saingy hatramin’izao fotoana izao dia mbola tsy fantatra mazava ny renin’i Cristiano Jr.

Irakiraka mpanafika no toerana raisin’i CR7 ao amin’ny Real Madrid ary izany ihany koa any amin’ny ekipam-pirenena portogey. Mety aminy avokoa anefa ireo toerana rehetra eo amin’ny fanafihana ary tato ho ato dia saika nahafaty baolina hatrany izy. Hainy ny manafaingana tampoka ny hafainganam-pandehany ka tsy aharahan’ireo vodilaharan’ny ekipa mpifanandrina aminy. Efa nahazo ny “ballon d’or” izy tamin’ny taona 2008.

Inesta sy ny fianakaviany

Andres Iniesta

Mpilalao be anaram-boninahitra indrindra amin’izy telo lahy mifaninana eo amin’ny “ballon d’Or” i Andres Iniesta, izay teraka tamin’ny 11 mey 1984, tany Fuentealbilla (Espana). Na eo amin’ireo mpilalao baolina kitra rehetra maneran-tany aza dia izy ihany koa no be amboara indrindra. Saika efa nandalo teny am-pelatanany avokoa ireo amboara eo amin’ny baolina kitra ankoatra ny Lalao Olympika. Tamin’ny 8 jolay 2012 teo no nahavitan’ny mariaziny sy Anna Ortiz ary efa manan-janaka vavikely izy ireo.

Ny tongony havanana no tena hainy mampiasa eo amin’ny filalaovana baolina kitra. Tolotolotra no tena mampiavaka azy fa tsy dia ny famonoam-baolina loatra. Tamin’ireo lalao 42 vitany tamin’ity taona 2012 ity niaraka tamin’ny Fc Barcelone dia baolina fito monja no matiny.

Ireo mpilalao vehivavy

Alex Morgan

Alex Morgan

Alexandra Patricia Morgan no tena anaran’ity mpilalao amerikanina ity. Ny 2 jolay 1989 no teraka tao Diamond Bar (Californie) izy. Lohalaharana no toerana misy azy ao amin’ny Sounders Women sy ao amin’ny ekipam-pirenena amerikanina. Mirefy 1,70 m i Alex

Morgan ary ny tongony havia no tena hainy mampiasa.
Tamin’ny lisitr’ireo mpilalao amerikanina niatrika ny fiadiana ny amboara eran-tany tamin’ny taon-dasa dia izy no zandriny indrindra. Isan’ny tena nampamiratra azy ny baolina telo matiny ho an’i Etazonia nandritra ny fihaonan’izy ireo tamin’i Frantsa, teo amin’ny manasa-dalana ka nahatonga azy ireo teo amin’ny famaranana. Toy izany ihany koa tamin’ny manasa-dalan’ny Lalao Olympika 2012 tany Londres, efa tany amin’ny segaondra farany teo amin’ny fanalavam-potoana no nahafatesany baolina nampiakatra an’i Etazonia teo amin’ny famaranana.

Abby Wambach

Abby Wambach

Zokiny indrindra amin’ireo telo vavy hifantenana izay ho mpilalao mendrika i Abby Wambach, izay teraka tany Rochester tamin’ny 2 jona 1980. Indroa no niambozona medaly volamena teo amin’ny Lalao Olympika ity teratany amerikanina ity. Lohalaharana no toerana misy azy ao amin’ny MagicJack sy ny ekipam-pirenena amerikanina ary mirefy 1,80 m ravehivavy.

Tamin’ny taona 2011 dia voafidin’ny Associated Press ho atleta vehivavin’ny taona izy. Tany an-tsekoly dia efa tia nilalao baolina kitra i Wambach ary efa natetika no voahosotra ho mpamono baolina betsaka indrindra eo amin’ny fifaninanana natrehany. Nanomboka ny taona 2003 no voaantso handrafitra ny ekipam-pirenena izy ary tamin’ireo lalao 196 nataony dia baolina 148 no matiny. Raha lehilahy mihanahana dia tsy haharesy azy.

Marta Vieira da Silva

Marta Vieira da Silva

Izy no azo heverina ho Pélé na Ronaldo, eo amin’ny baolina kitra vehivavy. Tany Doid Riachos (Brezila) no
teraka i Marta Vieira de Silva, tamin’ny 19 febroary 1986. Efa nahazo indimy nisesy ny amboara ho an’ny mpilalao mendrika indrindra eran-tany na “Ballon d’Or” i Marta (2006 – 2010). Lohalaharana no toerana misy azy eo amin’ny Tyresö FF sy ny ekipam-pirenena breziliana vehivavy. Efa tamin’ny 2004 no voaantso nandrafitra ny ekipam-pirenena breziliana i Marta ary mbola ao hatramin’izao fotoana izao. Hainy mampiasa avokoa ireo tongony roa eo amin’ny baolina kitra. Ankoatra izany dia mpilalao tenisy ihany koa i Marta ary tia mitendry gitara. Mpilalao tiany indrindra i Ronaldo sy Ronaldinho ary Rivaldo.

Soratra: Roméo Andriamihaja
Sary: Internet

0 Fanehoan-kevitra

Lahatsoratra hafaMiverena @ pejy fandraisana

	Fiainana mpanakanto – «Tsy nisakaiza velively tamin’i Jerry Marcoss aho», hoy i Farah John’s MPANDIHY SY MPIHIRA TAO ANATIN’NY TARIKA JERRY MARCOSS NO NAHAFANTARANA AN-DRASOLOFONJATOVO FARAH SAMÜELINE, NA FARAH JOHN’S, TALOHAN’NY NIKOPAHANY ELATRA IRERY TEO AMIN’NY SEHATRY NY MOZIKA. HEHY TSOTRA NO NAMALIANY NY FILAZANA FA NISAKAIZA TAMIN’I JERRY MARCOS IZY. NABORAK’I FARAH JOHN’S FA OLON-TIANY DIA TSY AO ANATIN’NY TONTOLON’NY MOZIKA MIHITSY. Toy ny ankamaroan’ireo mpanakanto, dia fitiavana mozika hatramin’ny fahakely no nitarika an’i Farah John’s hiditra amin’ny sehatry ny mozika. Efa tao anaty rany ka notohizany tamin’ny fidirana ho mpikambana tao amin’ny antoko mpihira tany Vohemar, nanomboka teo amin’ny faha-8 taonany. Rehefa feno 18 taona izy no niakatra teto an-drenivohitra. Tao anatin’ny faniriany ho mpihira, dia ny zaobaviny, vadin’ny zokiny lahy, no nifankahalala tamin’i Jerry Marcoss ka nampifanatona azy ireo. «Taorian’ny lozam-pifamoivoizana nitranga tamin’ ny tarika Jerry Marcoss, ny taona 2004 no tafiditra tao amin’ny tarika aho», araka ny fitadidian’i Farah John’s. Nialoha izay anefa, efa nanana ny lazany teo amin’ny sehatry ny dihy tany Vohemar ary nivoy karazan-dihy maro tao anatin’ny tarika «Hells Angel’s», izay efa nahafantaran’ny maro azy ihany koa, na tamin’ny andron’ny sekoly na tamin’ireo fety ho an’ny fialan-tsasatra izy. «Tsy maintsy nandihy foana izahay isan’andro tamin’izany fotoana izany», araka ny fitantarany. Izay rahateo no nahatonga azy ho sady mpihira no mpandihy tao amin’ny tarika Jerry Marcoss. Ity farany no nahatsapa ny talentany ka nampirisika an’i Farah John’s hiroso lalindalina amin’ny sehatry ny mozika. Nandeha ny resa-be Nanomboka teo ny resa-be momba ny fiarahan’izy roa ireo. Tsy nahatohina an’i Farah John’s, raha napetraka taminy ny fanontaniana momba io resaka io. Sady nihomehy izy no namaly am-pahatsorana fa “tsy nisy mihitsy ny fisakaizana teo aminy sy i Jerry Marcoss”. “Mpiara-miasa izahay tany am-boalohany. Noho izy nanoro lalana ahy dia mandray azy ho toy ny raiko aho amin’izao fotoana izao”, hoy ihany izy.

	Very saina hatramin’ izao ny renin’ilay zazalahy matin’ny taksibe tetsy Masay NILAOZAN’I ANDRY, ZAZALAHY 14 TAONA, NY FIANAKAVIANY VOKATRY NY LOZAM-PIFAMOIVOIZANA NAMONOAN’NY TAKSIBE AZY, TETSY AMIN’NY LALAN’NY FARIHY MASAY, NY SABOTSY TEO. VOA MAFY VOKATR’ITY FAHAFATESAN-JANANY ITY NY RENIN’I ANDRY. NAHAGAGA FA TSY FANAON’ITY ZAZALAHIKELY ITY NY MAKA TRONDRO ETSY MASAY, KANEFA DIA NOHO NY FIHAZAKAZAHANY HAKA ILAY TRONDRO MBA AZONY NO NAMOIZANY NY AINY.

	Faran’ny herinandro CLUB NAUTIQUE IVATO «Tafaray samikaka» hiarahan’i Wawa, Vaiavy Chila, Jarifa, Ramora Favori ary Tinah-Ti» Na teo aza ny fahavoazana nahazo azy, dia vonona hiatrika ny fampisehoana izay hiarahany amin’ny mpanakanto maro eny amin’ny Club Nautique Ivato, Ramora Favori. Hotanterahina ny alatsinain’ny Pantekôty izao ny «tafaray samikaka», izay hiarahana amin’i Wawa, Vaiavy Chila, Jarifa ary Tinah-Ti.

	Mananara Avaratra – Misy ambadika ny raharaha andramena Mampiahiahy ny zanak’i Mananara Avaratra ny fihetsiky ny manampahefana sasany, izay toa tsy taitra mahita ny fandripahana sy fanondranana ny andramena. Ny hafa aza dia manararaotra ny zava-misy hangoronan-karena. Ny mponina any an-toerana no mahita ifotony ka mitantara ny tena ao ambadiky ny raharaha andramena «Zaha-poagna sy atô tsy hita ny fandrobagna boaderôzy aty aminay.

	Fotodrafitrasa – Misedra lava ny tsy fahampiana kianja ireo mpanao fanatanjahantena Olana sedrain’ny ankamaroan’ny mpikarakara hetsika na fihaonana momba ny fanatanjahantena ankehitriny ny tsy fahampian’ny fotodrafitrasa azo ilalaovana, na an-tanàn-dehibe na eny ambanivohitra. Misy koa ny tsy fahampian’ny fikojakojana azy ireny ary ao koa ireo efa antitra ka tsy azo ilalaovana na tsy manara-penitra intsony. Ahiana tsy hahitam-bahaolana ity tsy fahampian’ny fotodrafitrasa ara-panatanjahantena ity. Matetika ny vola azo kely avy amin’ny fihaonana iraisam-pirenena no hararaotina hanatsarana ny kely ananana. Ekipa vitsy no tsy manofa kianja Azo isaina amin’ny ratsan- tanana ny ekipa tsy manofa kianja hilalaovana, amin’ny taranja rehetra, raha ny eto amintsika no resahina. Miankina amin’ny politika arahin’ny mpitantana ireny fotodrafitrasa ireny matetika ny fahatezan’izy ireny na tsia. Samy hafa koa matetika ny olana atrehan’ ny taranja lalaovin’ olon-tokana sy ny taranja itambaram-be. «Manofa 80 000 ariary isam-bolana ny toerana azonay ilalaovana rugby izahay. Efatra ora isan-kerinandro na adiny roa isaky ny milalao no azonay ampiasana azy ho an’ny kianja fotsiny. Tsy mbola manana toerana manokana na foibe azo ivoriana na azo ikolokoloana hozatra izahay, ankoatra ny olana ara-pitaovana na eo amin’ny rugby na ny kitra», hoy ny mpitantana ekipa iray efa am-polo taona maro nijoroana. «Manofa isam-bolana ny toerana fanaovanay fifanintsanana ara-panatanjahantena izahay, isaky ny sabotsy sy alahady. Olana koa anefa ny fiambenana ny manodidina ny kianja. Misy ireo misompatra, minia mametraka fiara eny an-tsisin’ny kianja, hanelingelenana ny fizotran’ny lalao. Misy mamaky ny baolina ilalaovana raha sendra lasa any amin’ny taniny. Nahita izany izahay na teny Ambohimangakely, na Ambohimanarina, na Fort Duchesne na Andoharanofotsy. Misy aza minia mamefy ny kianja fotsiny noho ny fialonana», hoy Randrianindrina John, mpandrindra fihaonana ara-panatanjahantena eto Antananarivo. Sasatra ny manarina kianja Ho an’ny Fimita, mpikarakara fihaonana eo amin’ny kitra lalaovin’ olona fito eny amin’ny Boulevard de l’Europe dia asa goavana no miandry azy isan-kerinandro vokatry ny fampiasan’ny fiarakodia vaventy ny toerana ilalaovana. «Voatery mitaona tany izahay hanotofana ny lavadavaka avelan’ireo kamiao lehibe mivezivezy eo amin’ny kianja, mialohan’ny hilalaovana isan-kerinandro», hoy Gilbert Fanahisoa, ao amin’ny Fimita. Voatery nampiato ny lalao nokarakarainy koa i Tanteliharimalala Annie, hany vehivavy mpandrindra lalao ara-panatanjahantena ho an’ny kitra lalaovin’ olona 11, eny Mahazoarivo atsinanana noho ilay kianja dibo-drano sy feno lavadavaka tamin’ny nandalovan’ny orambe farany teo. Namoaka vola mihitsy izy nanamboarana ilay toerana ka tamin’ny Paska teo vao mba azo nilalaovana sy nanohizana ny fihaonana efa nomanina. Dobo filomanosana sivy Dobo filomanosana sivy ihany no hany azon’ny mpitia fifaninanana lomano 1 000, hanazaran-tena manerana ny Nosy. «Fotodrafitrasa efa niorina tany amin’ny taona 1960 sy 1980 ny ankamaroan’ny dobo filomanosana eto amintsika ka efa tsy manara-penitra ny ankamaroany. Toy ny lalana eto amintsika ihany, atahorana tsy ho azo ampiasaina intsony ny ankamaroany noho ny tsy fahampian’ny fikojakojana, vokatry ny tsy fahampiana ara-bola eo amin’izay mitantana azy», hoy Razafimahatratra Dina, tale teknika nasionaly eo amin’ny taranja ny tenisy. Ilaharana na efa andoavam-bola aza Ny toerana azo ilalaovana tennis, ohatra dia marobe izy ireny no eo am-pelatanan’olon-tsotra. «Saika natao fitadiavam-bola ireny kianja filalaovana tennis ireny. Misy andoavana saram-pampiasana 700 000 Ariary isan-taona na latsakemboka 100 000 ariary vao azo ampiasaina. Misy klioba mampandefitra ny fanomanana ireo solofo dimbin’ny ala, ka izay manam-bola ihany no mibahan-toerana. Na mandoa volabe aza ny olona, mbola milahatra ela vao mahazo kianja. Izay no mampalaina ny olona amin’ny fanatanjahantena. Ny kianja ao Ankatso, ohatra, noho ny politika narahin’ny mpitantana azy dia saika ny 90% ny sangany eo sasany amin’ny mpitia lalao tennis no novolavolaina tao», hoy Razafimahatratra Dina. Isaky ny alarobia sy sabotsy amin’ny 12 hatramin’ ny 4 ora, atokan’ny mpitantana ho an’ireo solofo dimbin’ny ala amin’ity taranja ity ny kianja eny amin’ny oniversite Ankatso. Toeram-pianarana lehibe vitsivitsy ihany noho izany no afaka mametraka politikam-pampianarana momba ny fanatanjahantena ao anatin’ny sekoly misy azy, noho io tsy fahampian’ny fotodrafitrasa io. Taranja roa na telo ihany Any amin’ny firenena sasany dia nisy nifidy nanangana foibe fanazarantena ho an’ny taranja vitsivitsy, izay heveriny fa tokony hatosika toy ny kitra, baskety, rugby, ohatra na kitra, lomano, atletisma. Raha momba ny lomano, ohatra dia tokony hisy dobo filomanosana, efitra fisoloana akanjo, efitra fatorian’ny atleta, toeram-pisakafoanana ho an’izay voafantina hanaraka fiofanana na fanazarantena ny foibe atsangana. «Latsa-danja hatrany ny fikarakarana ny fotodrafitraasa ho an’ny taranja iombonambe raha mitaha amin’ny taranja lalaovin’ olona vitsy , izay mora kokoa ny sara fanorenana na fikarakarana azy. Natsangana, ohatra ny Lapan’ny Fanatanjahantena sy ny Kolontsaina ary mba mahazo ny vola hihodinana. Mahazo vahana kokoa anefa ny kolontsaina noho ny fanatanjahantena amin’izany», hoy Razafimahatratra Dina. Mampihemotra ny fitiavana fanatanjahantena izay fahasarotan’ny fampiasana fotodrafitrasa izay. Refin’ny kianjana kitra manara-penitra : Kitra lalaovin’olona 11 : 110 x 68 m Kitra lalaovin’olona 9 : 90 x 70 m Kitra lalaovin’olona 7 : 70 x 60 na 50 m Kitra lalaovin’olona 5 na 4 : 35 x 15 m na 45 x 30 m raha misy mpiandry tsatokazo. Refin’ny kianjana baskety : 28 x 15 m amin’ny ankapobeny. Nampitomboin’ny FIBA kely anefa ny habeny tamin’ny 2010. Refin’ny kianjana volley : 18 x 9 m miampy sisiny 3 m. Refin’ny kianjana tennis : 23,77 x 8,23 m. Nangonin’i Barphil Andriantsiferanarivo

Hijery hafa