Antananarivo renivohitra – Azo iatrehana ny tsy fanjarian-tsakafo ny oviala

Afaka misoratra anarana etsy amin'ny Lapan'ny tanàna anio ireo rehetra liana hiofana momba ny fambolena oviala

Santa-bokatra an-drenivohitra. Resy lahatra ny kaominina Antananarivo renivohitra (Cua) fa azo atao tsara ny manao fambolena oviala eto Iarivo. Hiroso amin’ny fanaparitahana sy fanentanana ny mponina mba hamboly izany ny Cua. »Azo atao foto-tsakafo ny oviala mba hiatrehana ny fiovaovan’ ny toetr’andro sy ny tsy fanjarian-tsakafo ary ny ady amin’ny hanoanana », araka ny fanentanana nataon-dRasoanaivo Charlie, tale misahana ny tontolo iainana sy ny sehatra maitso eo anivon’ny Cua.

Nanamafy izany ihany koa ny avy amin’ny amin’ny ofisy nasionaly misahana ny sakafo (ONN), ka nilaza fa manome 1 150 kaloria izay ampy ilain’ny vatan’ny olon-dehibe iray mandritra ny roa andro sy tapany ny oviala iray milanja 4,5 kg. « Tafiditra rahateo amin’ny vinan’ny tanàna izany satria sady entina hiarovana ny tontolo iainana no entina hanampiana ny mponina », araka ny fanamarihan- dRasamimanana Olga, sekretera jeneralin’ny Cua, izay nisolo tena ny Pds Razafindravahy Edgard.

Fomba maro no azo ambolena ny oviala eto an-drenivohitra. Epp valo sy fokontany valo no efa nanaovana ny fanentanana mikasika ny fambolena tamin’ny volana desambra 2011. Omaly no niotazana ny vokatra voalohany tetsy amin’ny Epp Antanimena III. « Voly oviala an-drenivohitra hisorohana ny tsy fanjarian-tsakafo an-tokantrano sy an-tsekoly », no lohahevitra entin’ny Cua sy ny mpiara-miasa aminy hanentana ny mponina amin’ny fambolena oviala. Nilanja 5kg ka hatramin’ny 20kg ny vokatra niakatra hita omaly.

0 Fanehoan-kevitra

Lahatsoratra hafaMiverena @ pejy fandraisana

	Tao anatin’ny telo volana – Olona roa maty, 650 nararin’ ny fahapoizinana ara-tsakafo(0) Aleo ihany mitandrina. Ho avy indray ny fotoanan’ ny fety, andro hikarakaran’ny olona maro sakafo miavaka amin’ny andavanandro. Fotoana matetika mahabetsaka ny fahapoizinana ara-tsakafo koa anefa izany. “Mitombo hatrany ny olona tratran’ny fahapoizinana ara-tsakafo. Efa nahatratra 650 izany tamin’ity taona ity ary nisy olona roa mihitsy maty vokatr’izany. Ny fotoanan’ ny fety no mahabetsaka ny

	Fanabeazana – Miandrandra fanamboarana ny EPP etsy Ivandry(0) Mila mitady vola Ar 600 tapitrisa ny sekoly ambara- tonga voalohany, etsy Ivandry, mba hahafahana manangana manatsara sy manamafy ny sekoly. «Tamin’ny volana janoary 2010 no nirodanan’ity sekoly ity ka efa tonga nandalo teto ny teo anivon’ ny kaominina Antananarivo renivohitra, izay notarihin’ ny Filohan’ny delegasiona manokana mitantana ny renivohitra, Edgard Razafindravahy. Vao tsy ela akory dia nanome toky ihany koa ny teo anivon’ ny Rotary club Ivandry fa

	Fetin’ny reny – Tratran’ny krizy koa ny tsenam-boninkazo(0) Be mpitia saingy tsy takatry ny fahefa-mividy. Izany no azo hamehezana ny tsenan’ ny voninkazo amin’izao an-katoky ny fetin’ny reny izao. Mikaikaika na ireo mpanjifa na ireo mpivarotra amin’ny halafon’ny entana sy ny tsy fisian’ny tsena. “Tena tsy misy mihitsy ny tsena raha mitaha ny hatramin’izay. Betsaka ny mpitsidika saingy ilay fahefa-mividin’ny olona mihitsy no tsy ampy”, hoy Rakotoson Vololona, lehiben’ny fikambanan’ ny mpamboly voninkazo “Ceinture verte”, mikara-

	CCI Ivato – Namoaka tanora manam-pahaizana 457 ny sekoly ambony ESSCA(0) Hetsika tafiditra amin’ny fankalazana ny faha-20 taonan’ny Esca. Navoaka tamin’ny fomba ofisialy omaly, teny amin’ny CCI Ivato, ireo tanora mpianatra nahavita fiofanana tao amin’ny Sekoly ambony Essca. Mpianatra 457, misalotra ny anarana «Orimbato», no nozaraina diplaoma ambony «Masters» sy «Licence», momba ny Fitantanana sy ny Varotra Iraisam-pirenena ary Marketing . Harilala Ramanantsoa, tanora mpandraharaha, manana

	Tapatapany(0) Halatra dabam-pako vy Efa mahatratra folo mahery ny dabam-pako vy, fanangonam-pako eto amin’ny tanànan’ Antananarivo no nisy nangalatra, tao ho ao. Anisan’ny antony mampi- paritaka ny fako amin’ ny toerana sasany. Manao antso ny fiadidiana ny tanàna mba hanaraha-maso ireny dabam-pako ireny fa miteraka fatiantoka be ho an’ny renivohitra. 80 taona ny IHS Feno 80 taona ny Institut d’hygiène social, izay niova ho Etablissement universitaire de soins et de santé public, EUSSP eny Analakely. Nisy fitokanana tsangambato, nenti-nanamarihana izany, ny alakamisy teo. Misy varavarana

Hijery hafa